Bhaskar Jadhav News : शिवसेना ठाकरे गटाचे नेते आमदार भास्कर जाधव यांनी चंद्रशेखर बावनकुळेंच्या वक्तव्याचा खरपूस समाचार घेतला आहे. बावनकुळे यांनी एकनाथ शिंदे आणि देवेंद्र फडणवीस यांना संताजी-धनाजीची उपमा दिल्याने संताजी-धनाजींचा अर्थ कळतो का? असा सवाल भास्कर जाधव यांनी यांनी विचारला आहे. (Latest Marathi News)
भास्कर जाधव यांनी नालासोपाऱ्यात पत्रकार परिषद घेत शिंदे-फडणवीस यांच्यावर कडाडून टीका केली. यावेळी जाधव यांनी बावनकुळे यांचाही खरपूस समाचार घेतला. भास्कर जाधव म्हणाले, 'बावनकुळेंना विचारा ते कोणत्या अर्थाने धनाजी आणि संताजी आहेत. ते माझ्यापेक्षा चंद्रशेखर बावनकुळे जास्त सांगू शकतील. शिवाजी महाराजानंतर संभाजी महाराजांना पकडलं गेल्यानंतर २७ वर्ष औरंगाजेब मराठ्यांची गादी बळकविण्याकरता औरंगाजेब महाराष्ट्रात राहिला'.
'२७ वर्षानंतर त्याच औरंगजेबाला महाराष्ट्राच्या मातीत दफन करावं लागलं, दफन व्हावं लागलं. त्यावेळेला २७ वर्ष मराठ्यांनी झुंज दिली. त्यावेळी अनेक सरदार राष्ट्रीय भावनेने रक्षणा करिता त्यांनी प्राण पणाला लावले. त्यांच्यामध्ये संताजी आणि धनाजींचे नाव खूप मोठे होते. शामियानाचा कळस कापून आणला असा त्यांचा इतिहास होता, असे ते म्हणाले.
'मात्र, एकनाथ शिंदेंची धनाजी आणि संताजी यांच्याबरोबर तुलना करत असाल, तर गेल्या चार महिन्यापूर्वी धनाजीचं काय झालं? ते महाराष्ट्राने पाहिलं. त्यामुळे बावनकुळे काय ते सांगू शकतील, असे भास्कर जाधव पुढे म्हणाले. भास्कर जाधव यांनी भाजप प्रदेशाध्यक्ष चंद्रशेखर बावनकुळे यांच्यावर टीका केल्यानंतर त्यांच्याकडून काय प्रत्युत्तर दिले जाईल, हे पाहावे लागणार आहे.
Edited By - Vishal Gangurde
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
