"शिवसेनेतून बाहेर जाऊन दुसरं घर थाटणाऱ्यांनी हिंदुत्व सांगायची गरज नाही"

सातारा : महाराष्ट्र नवनिर्माण सेनेचे अध्यक्ष राज ठाकरे (Raj Thackeray) यांनी मशिंदीवरील भोंगे उतरवण्याची कठोर भूमिका घेवून (Hinduism) हिंदुत्वाचं रणशिंग फुंकलंय. गुढीपाडव्याचा मनसे मेळावा, ठाण्यातील मनसेची उत्तर सभा आणि काल सोमवारी औरंगाबादमध्ये झालेल्या मनसेच्या जंगी सभेतही राज ठाकरे यांनी भोंगे काढण्याच्या मुद्याचा पुनरुच्चार केला. त्यामुळे मनसेनी हिंदुत्वाचा झेंडा हाती घेतला असल्याच्या चर्चा राजकीय वर्तुळात रंगल्या आहेत. या पार्श्वभूमीवर शिवसेनेचे गृहराज्यमंत्री शंभूराज देसाई (Shambhuraj Desai) यांनी राज ठाकरेंवर निशाणा साधला आहे. शिवसेनेतून बाहेर जाऊन दुसरं घर थाटणाऱ्यांनी हिंदुत्व सांगायची गरज नाही. अशी खोचक टीका नाव न घेता देसाई यांनी ठाकरे यांच्यावर केली आहे.

महाराष्ट्र नवनिर्माण सेनेचे अध्यक्ष राज ठाकरे यांनी गेल्या काही दिवसांपासून हिंदुत्वाचा मुद्दा लावून धरलेला आहे. काल औरंबाबादमध्ये झालेल्या मनसेच्या विराट सभेत हिंदुत्वाच्या मुद्द्यावर 'राज'गर्जना झाली. याबाबत गृहराज्यमंत्री शंभूराज देसाई यांना प्रतिक्रिया दिलीय. शिवसेनेला इतर कोणीही हिंदुत्व शिकवण्याची गरज नाही. मी शिवसैनिक आहे आणि त्यानंतर मंत्री. त्यामुळे शिवसैनिक म्हणून बोलत असताना आमच्यातून बाहेर जाऊन दुसरं घर थाटणाऱ्यांनी आम्हाला हिंदुत्व सांगायची गरज नाही. अशी जोरदार टीका शंभूराज देसाई यांनी ठाकरे यांच्यावर केली आहे.

Edited By- Naresh Shende