मुंबई : गेल्या काही दिवसांपासून महाराष्ट्रात सत्तासंघर्षाचं राजकीय नाट्य सुरु होतं. मात्र, एकनाथ शिंदे (Eknath Shinde) यांनी मुख्यमंत्रीपदासाठी आणि देवेंद्र फडणवीस (Devendra Fadnavis) यांनी उपमुख्यमंत्रीपदाची शपथ राजभवनात घेतली. त्यानंतर सत्तानाट्याला पूर्णविराम लागला. शिंदे-फडणवीस सरकारने नव्याने राज्याचा कारभार हाती घेतल्याने राजकीय वर्तुळातून टीका-टीप्पणीला सुरुवात झाली आहे. याच पार्श्वभूमीवर शिवसेनेचे आमदार दीपक केसकर (deepak kesarkar) यांनी पत्रकार परिषद घेवून अनेक मुद्द्यांवर भाष्य केलं. मुख्यमंत्री एकनाथ शिंदे जर म्हणाले, एकही आमदार मंत्री होणार नाही, तरीही आम्ही शिंदे साहेबांसोबतच आहोत. आमच्या पैकी एकाही आमदाराने मंत्रीपद मागितले नाही. मंत्रीपदाबाबतची कोणतीही यादी तयार नाही. आम्ही महाराष्ट्राच्या हितासाठी एकत्र आलो आहोत, अशी प्रतिक्रिया केसरकर यांनी माध्यमांशी बोलताना दिली आहे.
पत्रकार परिषदेत केसरकर म्हणाले, संजय राऊत यांना काय माहीत आहे , शरद पवार आणि माझे संबंध काय आहेत ते? शरद पवार यांनी मला खूप शिकवलं आहे. आयुष्यात आतापर्यंत मी शरद पवार यांच्यावर टीका केली नाही. दोनच व्यक्तींना मी आदर्श मानलं, एक म्हणजे हिंदूहृदयसम्राट बाळासाहेब ठाकरे आणि दुसरे म्हणजे शरद पवार. मी कधी माध्यमांसमोर येत नाही, पण या 50 आमदारांच्या मतदार संघातील नागरिकांना समजावणे, हे खूप गरजेचं आहे. संजय राऊत हे कधी नागरिकांमधून निवडून आले नाहीत.
संजय राऊत तुम्ही आमच्या मतांवर खासदार झाला आहात. संजय राऊत तुम्ही राजीनामा द्या आणि पुन्हा कोणत्या आमदारांच्या मतावर निवडून येता तसे या. नारायण राणेंची यांची मुलं लहान आहेत,त्यांना ट्विट करण्याची आवड आहे. हे खरंच ईडीचं सरकार आहे. पण ईडी म्हणजे एकनाथ शिंदे आणि देवेंद्र फडणवीस आहेत. संजय राऊत ज्या चौकशीला गेलेत ती ईडी वेगळी आहे.
Edited By - Naresh Shende
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.