धक्कादायक! गळा आवळून १५ वर्षीय मुलीने केली आईची हत्या

नवी मुंबई - कराटे बेल्टने गळा आवळून १५ वर्षीय मुलीने आपल्याच आईची निर्घृण हत्या Death केल्याची धक्कादायक घटना उघडकीस आली आहे. ऐरोलीमध्ये ३० जुलै रोजी ही घटना घडली आहे. आईने अभ्यासाचा तगादा लावल्याने मुलाने आईचा राग मनात धरून ठेवला होता. याच रागाच्या भारात मुलीने आईची हत्या केल्याची माहिती समोर आली आहे.

पीडित महिला वारंवार वैद्यकीय प्रवेश परीक्षेचा अभ्यास Mediacl Exam करण्यासाठी मुलीच्या मागे लागत होती. त्यामुळे या दोघांमध्ये जोरदार भांडण झालं होतं.

हे देखील पहा -

गेल्या आठवड्यात मुलीने हत्येची कबुली दिल्यानंतर हा संपूर्ण प्रकार उघडकीस आला आहे. रबाळे पोलिसांनी दिलेल्या माहितीनुसार, ३ दिवसांपूर्वी मुलीने आई विरोधात तक्रार दाखल करण्यासाठी संपर्क साधला होता. यानंतर पोलिसांनी मृत महिलेच्या पालकांना समुपदेशनासाठी बोलावले होते.

३० जुलैला या दोघांमध्ये जोरदार भांडण झालं होतं. या भांडणात मुलीने आईला जोरदार धक्का दिला ज्यानंतर त्यांच्या डोक्याला जखम झाली. त्यानंतर मुलीने कराटे बेल्टने गळा आवळून आईची हत्या केली. मुलीने आईचा मृतदेह बेडवर ठेवत आत्महत्या दर्शवण्यासाठी आईच्या मोबाइलवरुन मामाला मेसेज देखील पाठवला.

मात्र महिलेचे शवविच्छेदन केले असता गळा दाबल्याने मृत्यू झाल्याचे उघड झाले आहे. महिला पोलीस कर्मचाऱ्याने मुलीला विश्वासात घेतले असता मुलीने हत्येची कबुली दिली आहे. अशी माहिती अधिकाऱ्याने दिली आहे. पोलिसांनी याप्रकरणी या मुलीविरोधात गुन्हा दाखल केला आहे.

Edited By - Shivani Tichkule