खळबळजनक! गाढवाच्या चोरीच्या घटनेनंतर आता घरासमोर बांधलेल्या शेळ्यांची चोरी

बीड: बीडच्या परळीत पुन्हा एक धक्कादायक घटना समोर आली आहे. गाढवाच्या (donkey) चोरीनंतर आता शेळ्यांची (Goat) चोरी झाल्याची घटना उघडकीस आली आहे. घरासमोर बांधलेल्या 12 शेळ्या अज्ञात चोरट्याने पळवून नेल्याची घटना, परळी (Parli) शहरातील आंबेडकर नगरमध्ये घडली आहे. या प्रकरणी शेळी पालक कैलास मल्हारी खंडाळे यांच्या तक्रारीवरून, संभाजीनगर पोलीस (Police) ठाण्यात अज्ञात चोरट्या विरुद्ध गुन्हा दाखल झाला आहे.

हे देखील पहा-

यामध्ये शेतकऱ्याचे तब्बल 72 हजारांचे नुकसान झाले आहे. मागील काही दिवसांपूर्वी परळी शहरात तब्बल 140 गाढवांची चोरी झाली होती. आता शेळ्यांची चोरी झाल्याने पशुपालकांत भीती निर्माण झाली आहे. चोरीच्या घटना रोखण्यासाठी पोलिसांनी पावले उचलावीत, अशी मागणी नागरिकांमधून होत आहे. दरम्यान याप्रकरणी परळीच्या संभाजी नगर पोलीस ठाण्यामध्ये गुन्हा दाखल झाला आहे.

Edited By- Digambar Jadhav