धक्कादायक : उंदराऐवजी गमट्रॅप मध्ये अडकला नाग !

-- संजय राठोड

यवतमाळ : यवतमाळचे जिल्हाधिकारी अमोल येडगे यांच्या शासकीय बंगल्यावर उंदीर पकडण्याच्या गम ट्रॅप मध्ये एक साप अडकून तडफडत असल्याची माहिती जिल्हाधिकारी (Collector) यांनी एम.एच.२९ हेल्पिंग हँडस् टीम चे संस्थापक व वन्यजीव रक्षक निलेश मेश्राम यांना कॉल करून माहिती दिली. घटनेची माहिती मिळताच एम.एच.२९ हेल्पिंग हँडस् टीम चे सर्पमित्र जिल्हाधिकारी यांच्या घरी पोहचले.

हे देखील पहा :

या सर्पमित्रांना तिथे विषारी नाग (Snake) हा साप ट्रॅप मध्ये चिकटलेला आढळला, आणि लगेच त्याला कोणतीही इजा न होऊ देता कोकोनट (खोबरेल) तेलाच्या साहाय्याने ट्रॅप मधून नागाची सुटका केली. तरीही नागाच्या शरीरावर ट्रॅप मधी असलेला चिकटपणा एकदम घट्ट चिपकुन बसला होता. त्यामुळे यवतमाळ येथील पशुवैद्यकीय दवाखान्यात साहाय्यक आयुक्त जिल्हा पशुसंवर्धन अधिकारी डॉ. राजेंद्र अलोने आणि पशुधन विकास अधिकारी डॉ. बी. व्ही. चव्हाण, व डॉ.तृप्ती वर्मा. यांच्या उपस्थिती मध्ये मार्गदर्शनात नागावर उपचार (Treatment) केले.

यावेळी टीम चे कार्य पाहून यवतमाळचे (Yavatmal) जिल्हाधिकारी येडगे म्हणाले की वन्यजीवांबद्दल तुम्ही जे काम करता, ते एकदम चांगले काम आहे. माझ्या माध्यमातून मी सुद्धा नागरिकांना सांगेल की कोठेही वन्यजीव धोक्यात असल्यास एम.एच.२९ हेल्पिंग हँडस् ला याची माहिती द्या आणि वन जीवन वाचविण्यास मदत करा. उपचारानंतर वनविभागात त्याची माहिती देऊन रीतसर नोंद करून नागाला निसर्गमुक्त करण्यात आले.

Edited By : Krushnarav Sathe