Aurangabad : शाळेतून घरी निघालेल्या चिमुकलीचा ट्रॅक्टरखाली चिरडून मृत्यू

- नवनीत तापडिया

Aurangabad : औरंगाबाद जिल्ह्यात शाळेतून घरी निघालेल्या एका चिमुकलीचा ट्रॅक्टरखाली चिरडून मृत्यू झाला. ही घटना (accident) कन्नड तालुक्यातील पाणपोई फाट्याजवळ घडली. यामुळे मुलीच्या (girl) कुटुंबिय शाेकसागरात बुडालं आहे. (Aurangabad Latest Marathi News)

या घटनेबाबत अधिक माहिती अशी : श्रद्धा पिंपळे ही शाळेतून घरी जाण्यासाठी सायकलवर निघाली हाेती. तिचा ट्रॅक्टरच्या चाकाखाली येऊन मृत्यू झाला. ही दुर्दैवी घटना कन्नड तालुक्यातील पाणपोई फाट्या नजीक काल सायंकाळच्या सुमारास घडल्याची माहिती स्थानिकांकडून मिळाली.

श्रद्धा पिंपळे ही 13 वर्षाची हाेती. ती सातवीत शिकत होती. पाणपोई फाट्या जवळील बनशेंद्रा शिवारातील बहिरगाव डोणगाव रोडवर शाळेतून सायकलवर घरी जात असताना श्रद्धा ट्रॅक्टरच्या चाकाखाली आल्याने गंभीर जखमी झाली.

तिला उपचारासाठी रुग्णालयात नेत असताना तिचा दुर्दैवी मृत्यू झाला. यामुळे तिच्या कुटुंबियांना माेठा धक्का बसला. श्रद्धाच्या मृत्यूनं परिसरात हळहळ व्यक्त करण्यात येत आहे.

Edited By : Siddharth Latkar