सिंधूदूर्ग : सिंधुदुर्ग जिल्हा बँक निवडणुकीत (Sindhudurg District Central Co-operative Bank Election) यंदा १९ जागांसाठी मतदान सुरु झालेले आहे. यंदा निवडणुकीच्या रिंगणात ३९ उमेदवार आहेत. यासाठी ९८१ मतदार त्यांचा मतदानाचा हक्क बजावणार आहेत.
महाविकास आघाडीचे सहकार समृद्धी पॅनल सतीश सावंत यांच्या नेतृत्वाखाली तसेच भाजपचे (bjp) सिद्धीविनायक पॅनल राजन तेली यांच्या नेतृत्वाखाली ही निवडणूक लढत आहे. यंदाच्या निवडणुकीत केंद्रीय मंत्री नारायण राणे (narayan rane) व आमदार नितेश राणे (nitesh rane) यांची प्रतिष्ठा पणास लागली आहे. महाविकास आघाडीचे पॅनल प्रमुख व बॅंकेचे विद्यमान अध्यक्ष सतीश सावंत यांची ही प्रतिष्ठा पणास लागली आहे.
दरम्यान रात्रीपासून मंत्री नारायण राणे यांचा मुक्काम कणकवलीच्या ओम गणेश बंगल्यावर हाेता. या निवडणुकीच्या अनुषंगाने आजही सकाळ पासून नारायण राणे यांच्या ओम गणेश बंगल्यात हालचालींना वेग आल्याचे दिसून आले. जिल्हा बँकेच्या (dcc bank) निवडणुकीच्या अनुषंगाने अनेक पदाधिकारी नारायण राणे यांच्या बंगल्यावर दाखल हाेत हाेते. नारायण राणे यांनी महत्वाच्या कार्यकर्त्यांसोबत बैठका घेतल्या.
आज सकाळी आठ वाजता मतदान प्रक्रियेस प्रारंभ झाला (sindhudurg dcc bank election 2021). वैभव नाईक, राजन तेली यांनी मतदानाचा हक्क बजावला. आज दुपारी चार वाजेपर्यंत मतदानाची (voting) प्रक्रिया सुरु राहणार आहे. ओरोस येथील माध्यमिक शिक्षक पतपेढी येथे उद्या (शुक्रवार, ता. ३१) सकाळी नऊपासून मतमोजणीस प्रारंभ हाेईल.
edited by : siddharth latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.