धुळे: साक्री नगरपंचायतीच्या (nagar panchayat) निकालानंतर या निवडणुकीला (election) गालबोट लागले आहे. साक्री नगरपंचायतीच्या मतमोजणीनंतर पराभुत उमेदवाराच्या मुलास विजयी उमेदवाराच्या कार्यकर्त्यांनी जबर मारहाण केली. या दरम्यान आपल्या भावाला सोडवण्यासाठी गेलेल्या बहिणीला जबर मार लागल्याने तिचा जागीच मृत्यू झाल्याची धक्कादायक घटना उघडकीस आली आहे.
हे देखील पहा-
साक्री (sakri ) नगरपंचायतीच्या प्रभाग क्रमांक 11 येथे पराभूत झालेल्या राष्ट्रवादी काँग्रेस (NCP) पक्षाच्या महिला उमेदवाराच्या मुलाने रात्री जवळपास ८ वाजेच्या दरम्यान विजयी उमेदवारांच्या कार्यकर्त्यांचा जल्लोष सुरू असताना त्यामध्ये जाऊन त्यांच्या सोबत हुज्जत घातली. यावेळी त्यांच्यात शाब्दिक चकमक झाली. त्यानंतर त्याचे रूपांतर हाणामारीत झाले.
यादरम्यान पराभूत उमेदवाराच्या मुलास विजयी उमेदवाराच्या कार्यकर्त्यांनी जबर मारहाण करण्यात आली. आपल्या भावाला या मारहाणीतून सोडवण्यास गेलेल्या बहिणीला जबर मार लागल्याने तिचा जागीच मृत्यू झाला आहे. या घटनेनंतर रुग्णालयात (hospital) मृत महिलेचा मृतदेह बराच वेळ तसाच पडून आहे. नातेवाईकांनी जोपर्यंत मारेकर्यांना ताब्यात घेणार नाही. त्यांना पोलिस (Police) प्रशासनातर्फे शासन केले जात नाही, तोपर्यंत मृतदेह ताब्यात घेणार नाही, अशी भूमिका घेतली आहे. यासंदर्भात साक्री ग्रामीण रुग्णालयाच्या बाहेर या संतप्त नातेवाईकांनी ठिय्या आंदोलन केले आहे.
Edited By- Digambar Jadhav
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.