घरफोड्या, दुचाकी चोरीप्रकरणी MIDC पोलिसांनी सापळा रचून केली चौघांना अटक

सोलापूर : सोलापूर (soalpur) शहरात (solapur city) काही दिवसांपुर्वी झालेल्या घरफोड्या, मोटरसायकल चोरीप्रकरणी चौघांना एमआयडीसी पोलिसांनी (police) अटक (arrest) केली आहे. संबंधित संशयितांकडून सात लाख ५८ हजार रुपये किमतीचा मुद्देमाल हस्तगत करण्यात आला आहे. (solapur latest marathi news)

जमीर शेख, आनंद कोडम, अक्षय सामलेटी तसेच एक (विधी संघर्ष) बालक अशांना अटक करण्यात आलेली आहे. हे चौघेजण चोरीचा माल विक्री करण्यासाठी सोलापुरात येणार असल्याची माहिती एमआयडीसी पोलीस ठाण्याच्या गुन्हे शाखेला मिळाली हाेती.

पाेलीसांनी कुंभारी हद्दीत सापळा लावून चौघांना ताब्यात घेतले. त्यांची कसून चौकशी केली असता चार गुन्हे उघडकीस आले आहेत. या चौघांकडून तेरा तोळे सोने, एक मोटारसायकल, १० मोबाईल आणि एक लाख ३ हजारांची रोख रक्कम हस्तगत केली आहे. तपासामध्ये अशोक चौकातील जिल्हा मध्यवर्ती बँक फोडण्याचाही गुन्हा उघडकीस आल्याची माहिती पोलिसांनी दिली.

Edited By : Siddharth Latkar