सोलापूर - अनुसूचित जाती आणि नवबौद्ध घटकांच्या वस्त्यांच्या विकास निधींचे वाटप करताना आमदारांनी शिफारस केलेल्या गावांनाच निधी मिळतो. निधी वाटपात आमदार शहाजीबापूंसह इतर आमदारांचा हस्तक्षेप होत असल्याचा आरोप सांगोला तालुक्यातील ४५ सरपंचांनी केला आहे.
शेतकरी कामगार पक्षाचे सांगोल्यातील (Sangola) ४५ सरपंच हे जिल्हा परिषदेत आले होते. त्यांनी अतिरिक्त मुख्य कार्यकारी अधिकारी संदीप कोहीनकर यांची भेट घेत आपली विकास कामासाठी निधी मिळत नसल्याचा आरोप केला. संदीप कोहिनकर यांनी सरपंचांचे म्हणणे ऐकून घेतले त्यांच्या मागणीसंबंधी समाजकल्याण अधिकारी सुनील खामितकर यांच्याशी चर्चा करून निर्णय घेऊ असे सांगितले.
विकास कामांसाठी स्थळ निश्चित करण्याचे अधिकार विषय समिती, स्थायी समिती आणि जिल्हा परिषद सर्वसाधारण सभेस आहेत.सध्या प्रशासक नियुक्त असल्याने त्यांच्याकडून न्यायाची अपेक्षा करणे काही गैर नाही.
ग्रामपंचायतीने अनुसुचित जाती वस्तीमधील विकास कामासंदर्भात केलेला ठराव ग्राह्य का धरला जात नाही, असाही प्रश्न यावेळी उपस्थित करण्यात आला. सरपंचांची यादी ग्राह्य धरावी अशी आग्रही मागणी यावेळी करण्यात आली. याची दखल घेतली नाही तर आमदार शहाजी पाटलांविरोधात रस्त्यावर उतरण्यामचा इशारा या 45 सरपंचांनी दिला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
