पैसे कमविण्यासाठी ७० हजाराला विकायचा पिस्तूल; क्रेझ म्हणून विकत घेणे पडले महागात

पैसे कमविण्यासाठी ७० हजाराला विकायचा पिस्तूल; क्रेझ म्हणून विकत घेणे पडले महागात
पैसे कमविण्यासाठी ७० हजाराला विकायचा पिस्तूल; क्रेझ म्हणून विकत घेणे पडले महागात
Solapur NewsSaam tv

सोलापूर : घरफोडीतील गुन्हेगार प्रविण राजा शिंदे हा देशी बनावटीचे पिस्तूल घेऊन सोलापुरात आल्यानंतर त्याला एमआयडीसी पोलिसांनी (Police) एसव्हीसीएस प्रशालेसमोर सापळा रचून मोठ्या शिताफीने पकडले. त्‍याच्‍याकडून क्रेझ म्हणून पिस्तूल विकत घेणाऱ्यांना तिघांनाही पोलिसांनी सातारा (Satara) जिल्ह्यातून ताब्यात घेतले. ते चौघेही सध्या पोलिस कोठडीत आहेत. (solapur news pistol to sell for Rs 70 thousand to earn money police arrested)

Solapur News
Lonavala News| अंधश्रद्धेचा कळस, स्मशानभूमीतील हे दृश्य बघून सगळेच गेले चक्रावून

प्रविण शिंदे हा सराईत गुन्हेगार असून त्याच्या नावावर अनेक घरफोडी, चोरीचे गुन्हे दाखल आहेत. चोरी, घरफोडी करतानाच त्याने देशी बनावटी पिस्तूल स्वस्तात विकत घेऊन ज्यादा पैशाने विकायचा अवैध व्यवसाय सुरु केला होता. (Madhya Pradesh) मध्यप्रदेशातून २० ते २५ हजार रुपयाला पिस्तूल विकत घेऊन तो सातारा जिल्ह्यातच विक्री करीत होता.

पिस्‍तूल, काडतूसासह ताब्‍यात

दरम्यान, प्रविण शिंदे हा सोलापुरातील (Solapur) एका तरूणाला पिस्तूल विकायला येत असल्याची माहिती एमआयडीसी पोलिसांना मिळाली. त्यानुसार पोलिसांनी अक्कलकोट रोडवरील एसव्हीसीएस प्रशालेसमोर सापळा रचला. खबऱ्याने दिलेल्या माहितीप्रमाणे प्रविण शिंदे हा दुचाकीवरून आला. त्याचवेळी पोलिसांनी त्याला पकडले आणि अंगझडती घेतली. त्यावेळी त्याच्याकडे एक देशी बनावटीची पिस्तूल आणि दोन जिवंत काडतूस आढळली. पोलिसांनी त्याला अटक करून न्यायालयाच्या माध्यमातून पोलिस कोठडी मिळवली. त्यानंतर अधिक तपास केला आणि आतापर्यंत तिघांना अशा प्रकारची तीन पिस्तूल विकल्याचे त्याने पोलिसांना सांगितले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com