घोटी, नाशिक: नाशिकमध्ये एका दारुड्या जावयाने सासूची निर्घृण हत्या केल्याची संतापजनक घटना घडली आहे. नाशिकच्या (Nashik) घोटी तालुक्यात ही घटना घडली आहे. मिळालेल्या माहितीनुसार, आरोपी पतीला दारूचं व्यसन (Alcoholic) असल्याने त्याची बायको घरी येण्यास टाळाटाळ करत होती. बायको घरी येण्यास टाळाटाळ करत असल्याने तिचा पती किसन पारधी हा बायकोच्या माहेरी पोहचला. तिथे पोहचल्यावर त्याने पत्नीला मारहाण करायला सुरुवात केली. यावेळी सासू कमळाबाई भुतांबरे मध्यस्थी करायला गेल्या. मात्र संतप्त जावयाने सासूच्या पोटात आणि पाठीत कात्रीने भोसकून त्यांचा खून (Murder) केला. घोटीजवळच्या झारवडमध्ये ही घटना घडली आहे. (Nashik Crime News in Marathi)
हे देखील पाहा -
या घटनेनंतर आरोपी पतीने पळून जाण्याचा प्रयत्न केला. यावेळी कुटुंबियांनी आरडाओरडा केल्या पळून जाण्याचा तयारीत असलेल्या जावयाला ग्रामस्थांनी पकडले आणि दोरीच्या साहाय्याने झाडाला बांधून ठेवले. त्यानंतर त्याला पोलिसांच्या स्वाधीन केलं गेलं. दरम्यान याप्रकरणी घोटी पोलीस ठाण्यात जावयाविरोधात खुनाचा गुन्हा दाखल करण्यात आला असून पोलीस अधिक तपास करत आहेत.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
