Barshi News : इयत्ता बारावीमधील (HSC) मुलीवर झालेल्या अत्याचार प्रकरणात चालढकल केल्याने साेलापूर जिल्हा पाेलिस (Solapur Police) दलातील बार्शी तालुक्यातील (Barshi Police) दोन पोलिस अधिका-यांसह दोघा हवालदार यांना निलंबित केले आहे. ही कार्यवाही सोलापूर जिल्हा ग्रामीण पोलिस अधिक्षक शिरिष सरदेशपांडे (sp shirish sardeshpande) यांनी केली आहे. जागतिक महिला दिनी (Women's Day) झालेल्या या कारवाईत पाेलिस अधिकारी देखील सापडल्या आहेत. (Maharashtra News)
बार्शीत पाच मार्च रोजी अल्पवयीन मुलीवर अत्याचार करणाऱ्या दोन नराधमांविरोधात पोस्को अंतर्गत गुन्हा दाखल करण्यात आला होता. त्यावेळी गुन्हा दाखल होऊनही संशयितांना पोलिसांनी अटक केली नाही. त्यानंतर दोन्ही नराधमांनी पीडित मुलीवर सहा मार्च रोजी प्राणघातक हल्ला केला.
या हल्ल्यात पीडित मुलीच्या दोन बोटांना इजा झाली. जिल्हा पोलीस अधीक्षक शिरीष सरदेशपांडे यांनी आरोपीला अटक न करणे, कर्तव्यात कसूर करणे असा ठपका ठेवून पाेलिस कर्मचा-यांवर कारवाई केली आहे.
बार्शी तालुका पोलिस ठाण्याचे एपीआय महारुद्र परजणे, हेड कॉन्स्टेबल राजेंद्र मंगरुळे, बार्शी शहर पोलिस ठाण्यातील पोलिस उपनिरीक्षक सारिका गटकूळ, बार्शी तालुका पोलिस ठाण्यातील हवालदार राजेंद्र मंगरुळे, बार्शी शहर पोलिस ठाण्यातील हवालदार अरुण माळी अशी निलंबित केलेल्यांची नावे आहेत.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
