Rahul Narwekar on Maharashtra Political Crisis: मी लवकरच क्रांतिकारी निर्णय घेईन असे वक्तव्य विधानसभा अध्यक्ष राहुल नार्वेकर यांनी केले आहे. स्वर्गीय बाळासाहेब देसाई यांच्या निर्णय क्षमतेबाबत भाष्य करताना नार्वेकर यांनी हे विधान केले आहे.
स्वर्गीय बाळासाहेब देसाई यांच्यावरील 'दौलत' या चरित्रग्रंथाच्या प्रकाशन सोहळ्याच्या कार्यक्रमात ते बोलत होते. यावेळी केलेल्या भाषणात नार्वेकर यांनी सत्ता संघर्षाच्या कोर्टाच्या निकालानंतर आमदारांच्या निलंबनाबाबतच्या प्रकरणावर लवकरच निर्णय घेण्याचे अप्रत्यक्ष संकेत दिले आहेत.
राहुल नार्वेकर म्हणाले, १९७७ साली माझा जन्म झाला तेव्हा विधानसभा अध्यक्ष देसाई होते. त्यांच्याकडून प्रेरणा घेऊन त्यांच्यासारखे क्रांतिकारक निर्णय मीही घेईन. पण निर्णय आता सांगणार नाही, जो निर्णय घेईल तो मेरिटवर घेईन असे देखील नार्वेकर यांनी स्पष्ट केले.
यावेळी बोलताना नार्वेकर म्हणाले, बाळासाहेब देसाईंचा सामाजिक कार्याचा वारसा शंभूराज देसाई पुढे नेत आहेत. बाळासाहेब देसाईंनी आपल्या कामातून राज्य घडवलं. त्यांच्या कार्यावर आधारित पुस्तकाच्या प्रकाशनाला मला बोलावलं हे माझं भाग्य आहे. (Breaking News)
अनंतकाळ आपलं काम गाजवणाऱ्यांपैकी एक बाळासाहेब देसाई होते. ईबीसी, शिक्षण खात्यातही त्यांनी मोठं कार्य केलं. ईबीसी विद्यार्थ्यांना मोफत शिक्षण देण्याचा क्रांतिकारी निर्णय त्यांनी घेतला. महसूल खात्याची जबाबदारी पार पाडताना त्यांनी अनेक मोठे निर्णय घेतले. मालोजीराजेंनंतर पीडब्ल्यूडीची जबाबदारी बाळासाहेबांकडे आली. त्यावेळी त्यांनी दर्जेदार कार्य त्यांनी केलं. गृहखात्याचीही जबाबदारी त्यांनी उत्कृष्टरित्या पार पाडली. (Rahul Narwekar statement)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
