बेमुदत संप! अकोल्याच्या बसस्थानकावर प्रवाशांना बस मधून उतरवले खाली

आपल्या विविध मागण्यांसाठी एसटी संघटनांनी पुकारलेल्या आंदोलनात आज कर्मचाऱ्यांनी बससेवा बंद पाडली आहे.
बेमुदत संप! अकोल्याच्या बसस्थानकावर प्रवाशांना बस मधून उतरवले खाली
बेमुदत संप! अकोल्याच्या बसस्थानकावर प्रवाशांना बस मधून उतरवले खाली जयेश गावंडे

अकोला: आपल्या विविध मागण्यांसाठी एसटी संघटनांनी पुकारलेल्या आंदोलनात आज कर्मचाऱ्यांनी बससेवा बंद पाडली आहे. कर्मचाऱ्यांनी जाणाऱ्या बसला थांबवून त्यामधून प्रवाशांना बाहेर काढले. अकोल्यातील मध्यवर्ती बसस्थानकावर बाहेरून आलेले शेकडो प्रवाशी ताटकळत बसले आहेत. मिळेल त्या वाहनाने प्रवाशी जाण्याचा प्रयत्न करत आहेत. एसटी कर्मचारी संघटना व राज्य सरकार यांच्यात झालेल्या चर्चेत तोडगा न निघाल्याने अकोल्यातील मध्यवर्ती बसस्थानकात बेमुदत एसटी कर्मचाऱ्यांनी संप पुकारला आहे. त्यामुळे पहाटेपासूनच अकोल्यातील एसटी सेवा पूर्णपणे ठप्प झालेली आहे. त्यामुळे प्रवाशांचे अतोनात हाल होत आहे.

तर काही प्रवाशांनी खाजगी गाड्यांचा सहारा घेतला आहे. त्यामुळे बस स्थानकासमोर ऑटो ची तुफान गर्दी झाली असून ऑटो चालकांनी दर ही वाढवले आहे. एसटी कर्मचाऱ्यांच्या विविध मागण्यांसाठी एसटी संघटना राज्य सरकारकडे गेले अनेक दिवसांपासून पाठपुरावा करत होते. तसेच त्यांच्या विविध मागण्यांसाठी पाठपुरावा सुरू होता. पण यात तोडगा निघाला नसल्याने आजपासून अकोला विभागामध्ये एसटी कर्मचाऱ्यांनी बेमुदत संप पुकारला आहे. एसटी आता जागेवरच थांबलेली आहे. तर संपात सहभागी कर्मचाऱ्यांनी प्रवाशांना जबरदस्तीने बाहेर काढण्याचा प्रयत्न केलाय.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com