आता ढाब्यांवर दारु पिऊन देणे आणि पिणे पडणार महागात; ढाबा चालकासह सात अटकेत, हजाराेंचा दंड वसूल

राज्यातील बहुतांश जिल्ह्यात ढाब्यांवर सर्रास नागरिक दारु पितात. ढाबा चालक देखील जादा पैसे मिळावेत यासाठी ढाब्यांवर दारु पिण्यास नागरिकांना मनाई करीत नाहीत. दरम्यान अशा ढाब्यावर आता राज्य उत्पादन शुल्क विभागाने कारवाईचा बडगा उगारला आहे. त्यामुळे ढाबा चालकांनी आणि ढाब्यांवर दारु पिण्या-यांचे धाबे दणाणले आहेत. (solapur latest marathi news)

साेलापूर जिल्ह्यात राज्य उत्पादन शुल्क विभागाने (state excise department) माेठी कारवाई केली आहे. यामध्ये विजापूर रोड वरील जलसा ढाब्यावर राज्य उत्पादन शुल्क विभागाने छापा टाकला. यामध्ये ढाबा (हाॅटेल) चालकासह दारू पिणाऱ्या सात मद्यपींना अटक करण्यात आली. (Maharashtra News)

या सर्वांना न्यायालयात हजर केले असता. न्यायालयाने (court) ढाबा चालकास पंचवीस हजार रुपये तर प्रत्येक मद्यपीला दाेन हजार रुपये दंड ठाेठावला. त्यानूसार न्यायालयाने एकूण 39 हजार रुपयांचा दंड ठोठावला आहे.

Edited By : Siddharth Latkar