नागपूर: येथील शासकीय वैद्यकीय रुग्णालयात (Nagpur Government Hospital) भटक्या कुत्र्यांनी हैदोस घातला आहे. गेल्या आठ दिवसांत भटक्या कुत्र्यांनी चार डॉक्टरांवर हल्ला केला आहे. कुत्र्यांच्या हल्ल्यात (Dog bite) एक महिला डॉक्टर गंभीर जखमी झाली असून त्यांच्यावर अतिदक्षता विभागात (ICU) उपचार सुरु आहेत. पिसाळलेल्या कुत्र्यांमुळं नागपूरच्या वैद्यकीय रुग्णालयातील कर्मचाऱ्यांमध्ये भीतीचं वातावरण पसरलं आहे. कुत्र्यांचे हल्ले वाढत असल्याने डॉक्टरांनी आंदोलन (Doctor Strike) करण्याचा पवित्रा घेतला आहे. भटक्या कुत्र्यांच्या दहशती विरोधात डॉक्टर आंदोलन करणार असल्यामुळं प्रशासनाचे धाबे दणाणले आहे.
मार्डचे अध्यक्ष डॉ.सजल बन्सल यांनी माध्यमांशी बोलताना म्हटलं की, नागपूरच्या शासकीय वैद्यकीय रुग्णालयात दोन डॉक्टरांवर भटक्या कुत्र्यांनी हल्ला केलाय. यातील एक महिला डॉक्टर अतिदक्षता विभागात उपचार घेत आहे. गेल्या आठ दिवसात चार डॉक्टरांवर भटक्या कुत्र्यांनी हल्ला केल्याच्या घटना घडल्या. वर्दळीच्या ठिकाणी असलेल्या शासकीय रुग्णालयात भटक्या कुत्र्यांचा हैदोस वाढत चाललाय. त्यामुळेच मोकाट कुत्र्यांसाठी डॅाक्टर्स आंदोलन करणार आहे, मोकाट कुत्र्यांसाठी डॉक्टरांना आंदोलन करण्याची राज्यातील कदाचित ही पहिलीच घटना असेल.
Edited By - Naresh Shende
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.