Satara: गुणरत्न सदावर्तेंविरोधात सातारा पोलीस ठाण्याबाहेर जोरदार घोषणा

ज्ञानेश्वर हिंगोलीकर -

सातारा : मराठा आरक्षण (Maratha Reservation) प्रकरणी आक्षेपार्ह वक्तव्य केल्याचा आरोप असलेले वकील गुणरत्न सदावर्ते यांना आज सातारा पोलीस ठाण्यात आणलं असता मराठा संघटनांच्या कार्यकर्त्यांकडून सदावर्तें विरोधात घोषणाबाजी करण्यात आली.

राष्ट्रवादीचे अध्यक्ष शरद पवार (Sharad Pawar) यांच्या निवासस्थानकावरील हल्ला प्रकरणी वकील गुणरत्न सदावर्ते यांना गिरगाव न्यायालयाने काल १४ दिवसांची न्यायालयीन कोठडी सुनावली होती. तसंच या सुनावणीदरम्यानच सदावर्तेंचा ताबा सातारा पोलिसांकडे देण्यात आला होता. त्यानुसार आज सदावर्ते (Gunaratna Sadavarte) यांना सातारा पोलिसांनी त्यांना सातारा पोलीस ठाण्यात घेऊन आल्यावर काही मराठा संघटनांच्या कार्यकर्त्यांनी त्यांच्या विरोधात घोषणाबाजी केली.

पहा व्हिडीओ -

सदावर्ते यांच्यावर ॲाक्टोबर २०२० मध्ये सातारा शहर पोलिस ठाण्यात मराठा आरक्षण प्रकरणी एका वृत्तवाहिनीवरती आक्षेपार्ह वक्तव्य केल्याबाबात गुन्हा दाखल आहे. दरम्यान, आमच्या मराठा क्रांती मोर्चाच्या समन्वयकांना ताब्यात घेतले याचा आपण जाहीर निषेध व्यक्त करतो त्याच प्रमाणे ज्या समन्वयकांनी सदावर्तेंन विरोधात घोषणाबाजी केली याचे आम्ही समर्थनच करतो छत्रपतींच्या वंशजांबाबत चुकीच्या गोष्टी बोलायचा कुणाला अधिकार नाही असं वक्तव्य मराठा क्रांती मोर्चाचे समन्वयक एड.उमेश शिर्के यांनी केलं आहे.

Edited By - Jagdish Patil