Rayat Kranti Sanghatana News : राज्यातील ऊस परराज्यात नेण्यास सरकराने घातलेली बंदी झोनबंदी उठवावी या मागणीसाठी आज (साेमवार) रयत क्रांती संघटनेने पंढरपुरात आंदाेलन छेडले आहे. या संघटनेच्या कार्यकर्त्यांनी सहकारमंत्री दिलीप वळसे- पाटील यांचा प्रतिकात्मक पुतळा जाळून राज्य सरकारच्या निर्णयाचा निषेध नाेंदविला. (Maharashtra News)
रयत क्रांती संघटनेचे प्रदेश कार्याध्यक्ष दीपक भोसले म्हणाले यावर्षी राज्यात दुष्काळाचे सावट निर्माण झाले आहे. पावसाअभावी उसाच्या उत्पादनात जवळपास 35 ते 40 टक्क्यांनी घट झाल्याने राज्य सरकारने ऊस वाहतूकीवर झोन बंदी लागू केली आहे. त्यामुळे राज्यातील ऊस परराज्यात नेण्यास बंदी आली आहे. हा निर्णय शेतकऱ्यांच्या दृष्टीने अन्यायकारक आहे.
या सरकारच्या निर्णयामुळे ऊस उत्पादक शेतकऱ्यांना मोठा आर्थिक फटका बसण्याची शक्यता निर्माण झाली आहे. हा निर्णय साखर कारखानदारांच्या हिताचा तर शेतकऱ्यांवर अन्यायकारक असल्याने झोन बंदी तत्काळ उठवावी. अन्यथा एकाही साखर कारखान्याचे धुराडे पेटू देणार नाही असा इशारा रयत क्रांती संघटनेचे प्रदेश कार्याध्यक्ष भोसले यांनी दिला आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
