संभाजीराजे छत्रपतींनी मनाचा मोठेपणा दाखवला तो स्वागतार्ह : सुप्रिया सुळे

संभाजीराजे छत्रपती आमचे सहकारी राहिलेत. त्यांनी मनाचा मोठेपणा दाखवत आज जो निर्णय घेतलाय तो स्वागतार्ह आहे, सुप्रिया सुळे यांची प्रतिक्रिया
Supriya sule And Sambhaji raje
Supriya sule And Sambhaji raje Saam TV

परभणी : संभाजीराजे छत्रपती आमचे सहकारी राहिलेत. त्यांनी मनाचा मोठेपणा दाखवत आज जो निर्णय घेतलाय तो स्वागतार्ह आहे. छत्रपतींनी घोडेबाजाराचे जे कारण दिले आहे ते योग्यच आहे, अशी प्रतिक्रिया राष्ट्रवादीच्या नेत्या,खासदार सुप्रिया सुळे यांनी संभाजीराजे ( Sambhaji Raje ) छत्रपती यांच्या निर्णयावर दिली आहे. सुप्रिया सुळे ( Supriya Sule ) या परभणीमध्ये (Parbhani ) एका कार्यक्रमासाठी आल्या होत्या. त्यावेळी त्यांनी पत्रकारांशी संवाध साधला. (Supriya sule Latest News In Marathi )

हे देखील पाहा -

राज्यसभेच्या निवडणुकीतून संभाजीराजे छत्रपती यांनी आज पत्रकार परिषद घेत माघार घेतली. या पत्रकार परिषदेत संभाजीराजे यांनी घोडेबाजाराचे कारण देत राज्यसभेच्या निवडणुकीतून माघार घेतली. तसेच मुख्यमंत्री उद्धव ठाकरे यांच्यावर टीकाही केली. संभाजीराजे यांनी राज्यसभेच्या निवडणुकीतून माघार घेतल्यानंतर खासदार सुप्रिया सुळे यांनी भाष्य केलं. सुप्रिया सुळे म्हणाल्या,'संभाजीराजे छत्रपती आमचे सहकारी राहिलेत. त्यांनी मनाचा मोठेपणा दाखवत आज जो निर्णय घेतलाय तो स्वागतार्ह आहे. छत्रपतींनी घोडेबाजाराचे जे कारण दिले आहे ते योग्यच आहे. संभाजीराजेंना पुढील भविष्यासाठी शुभेच्छा'.

परभणीत एका कार्यक्रमानंतर सुप्रिया सुळे यांनी पत्रकार परिषद घेतली. त्यावेळी पत्रकारांच्या विविध प्रश्नांवर उत्तरे दिली. तसेच त्यांनी चंद्रकांत पाटील यांच्या वक्तव्यावरही भाष्य केलं.'आपल्या पुरोगामी विचाराच्या महाराष्ट्रात छत्रपती शिवाजी महाराजांचे नाव घेता, आंबेडकरांचे नाव घेतात आणि श्राप देतात',अशा शब्दात सुप्रिया सुळे यांनी चंद्रकांत पाटलांना टोला लगावला.

Supriya sule And Sambhaji raje
...तर मुनगंटीवारांना हार घालेन; संभाजीराजेंच्या उमेदवारीवरुन माजी मुख्यमंत्र्यांचं वक्तव्य

'गहू निर्याती संदर्भात केंद्र सरकारने निर्णय घेतला होता. परंतु अखेरच्या क्षणी केंद्राने घुमजाव केला. पहाटे सहा वाजता हे सरकार ऑर्डर काढतं. त्यामुळे हे योग्य नाही. सगळ्यांनी निर्यात करता येईल असं सांगायचं आणि आणि ऐन वेळी अशाप्रकारे ऑर्डर काढायची. असं हे सरकार कसा चालत आहे, तेच समजत नाही, असं म्हणत निर्यात बंदीवरून सुप्रिया सुळे यांनी केंद्र सरकारवर जोरदार टीका केली.

Edited By - Vishal Gangurde

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com