Swabhimani Shetkari Sanghatana : स्वाभिमानी शेतकरी संघटनेकडून आज आणि उद्या ऊसतोड बंद आंदोलनाची हाक देण्यात आली आहे. काही ठिकाणी ऊसतोड सुरू असल्याने ऊसतोड बंद करावी यासाठी सांगली जिल्ह्यात स्वाभिमानी शेतकरी संघटनेने गांधीगिरी पद्धतीने आंदाेलन छेडले आहे. (swabhimani shetkari sanghatana latest marathi news)
ऊसदर आणि एफआरपीच्या मागणीसाठी आजपासून (ता. १७) आणि (ता.१८) नोव्हेंबरपर्यंत स्वाभिमानी शेतकरी संघटनेने ऊस तोडणी बंद आंदोलन छेडले आहे. या आंदाेलनात शेतक-यांनी सहभागी व्हावे असे आवाहन नुकतेच माजी खासदार राजू शेट्टी यांनी सांगली येथे केले हाेते.
सांगली येथे स्वाभिमानी शेतकरी संघटनेचे महेश खराडे यांनी शेतक-याचा ऊसाने भरलेला ट्रॅक्टर राेखला. त्यानंतर संबंधित ट्रॅक्टरला आंदाेलनाची माहिती आहे की नाही अशी विचारणा केली. शेतक-यांना न्याय मिळावा यासाठी हे आंदाेलन आहे. तातडीने ट्रॅक्टर पुन्हा शेतावर न्या असे शेतक-याला खराडेंनी खडसावले. (Breaking Marathi News)
खराडे म्हणाले एकरकमी एफआरपी मिळाली पाहिजे, तीन टप्प्यात एफआरपी देण्याचा राज्य शासनाने केलेला कायदा रद्द करावा, वजन काटे ऑनलाईन झाले पाहिजेत, रिकव्हरीतील चोरी थांबली पाहिजे, तोडीला द्यावे लागणारे पैसे बंद झाले पाहिजेत आदींसह अन्य मागण्यांसाठी स्वाभिमानीने हे आंदोलन पुकारले आहे. (Maharashtra News)
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
