बेकायदा कोकेन बाळगून प्रवास करणाऱ्या टांझानिया देशातील तरुणास अटक

सांगली : पुणे-बेंगळूरू आशियाई मार्गावर सांगली जिल्ह्यातील वाळवा तालुक्यातील वाघवाडी फाटा येथे बेकायदा कोकेन अंमली पदार्थ बाळगून प्रवास करणाऱ्या टांझानिया Tanzania देशातील संशयित तरुण माकेटो जॉन झाकिया यास इस्लामपूर पोलिसांनी जेरबंद केले आहे. त्याच्याकडून सुमारे १० लाख ९० हजार रुपये किंमतीचे १०९ ग्रॅम कोकेन हस्तगत केले आहे. या कारवाईने खळबळ उडाली आहे.

हे देखील पहा :

आज पहाटे साडे तीन वाजण्याच्या सुमारास संशयित माकेटो झाकिया हा खाजगी ट्रॅव्हल्स बस  मधून अंमली पदार्थ जवळ बाळगून प्रवास करीत असल्याची माहिती पोलिसांना मिळाली होती. पोलिसांनी वाघवाडी फाटा येथे सापळा लावला.

बसची झडती घेतली असता झाकिया हा बसलेला आढळला. त्याच्या बॅग मध्ये १०९ ग्रॅम कोकेन अमली पदार्थ मिळून आले. तो मुंबईहुन बेंगळूरू कडे निघाला होता. अंमली पदार्थ आणि एक मोबाईल पोलिसांनी हस्तगत करीत त्याच्या मुसक्या आवळल्या आहेत.

Edited By : Krushnarav Sathe