Miraj : मिरजेतील 'त्या' जागेवर नेमका हक्क काेणाचा? वहिवाटधारक की पडळकर, जाणून घ्या काय घडलं आजच्या सुनावणीत

Miraj News : भाजपाचे आमदार गोपीचंद पडळकर यांचे बंधू व जिल्हा परिषद सदस्य ब्रह्मानंद पडळकर (brahmanand padalkar) यांनी जागेचा ताबा घेण्यासाठी पाडलेल्या बांधकाम प्रकरणी आजची (बुधवार) सुनावणी पुढे ढकलण्यात आली आहे. वहिवाट धारकांकडून कागदपत्रे सादर करण्यासाठी आठ दिवसांची मुदत मागण्यात आली आहे. त्यावर तहसीलदारांनी येत्या एकाेणीस जानेवारीला अंतिम सुनावणी घेण्याचा निर्णय दिला. ताेपर्यंत या जागेच्या बाबतीत "जैसे थे"आदेश कायम ठेवण्यात आले आहेत. (Maharashtra News)

भाजपाचे आमदार गोपीचंद पडळकर (gopichand padalkar) यांचे बंधू जिल्हा परिषद सदस्य ब्रह्मानंद पडळकर यांनी रातोरात सहा जानेवारीस मिरज शहरातील आठ मिळकती जेसीबीने पाडल्या होत्या. त्यानंतर घटनास्थळी प्रचंड राेष पाहायला मिळाला होता. तसेच तणावाचे वातावरण या ठिकाणी निर्माण झाले होते. त्यानंतर या सर्व प्रकरणावरून जागेच्या मालकीचा वाद उफाळून आला होता.

पडळकर यांनी ही जागा आपली असल्याचा दावा केला होता. त्यानंतर हे प्रकरण तहसीलदारांपुढे गेले. सोमवारी (ता. 9) पहिली सुनावणा झाली. त्यावेळी मिळकतधारकांना दोन दिवसांची मुदत देण्यात आली होती.

आज (बुधवार) या प्रकरणावर पुन्हा सुनावणी झाली. आज दोन्ही गटांकडून जागेच्या (place) पुराव्याबाबत मुदत मागण्यात आली आहे. त्यामुळे तहसीलदार दगडू कुंभार यांनी सुनावणी पुढे ढकलली. त्यांनी आठ दिवसांची मुदत दिली आहे. त्यामुळे आता सुनावणी एकाेणीस जानेवारीला हाेईल अशी माहिती दाेन्ही गटाच्या वकिलांनी दिली.

Edited By : Siddharth Latkar