नंदुरबार : नवापुर-पिंपळनेर रस्त्यावरील चरणमाळ घाटात कोंबड्यांनी भरलेल्या आयशर टेम्पोचा ब्रेक फेल झाल्याने तीव्र उतारावरील वळनावर चालकाचा (Driver) वाहनावरील ताबा सुटल्याने कठडा तोडून पलटी झाला आहे. या अपघातात चालक व अन्य एक जण किरकोळ जखमी झाले असून टेम्पोचा मात्र चक्काचूर झाला आहे.
हे देखील पहा :
या अपघातात (Accident) कोंबड्या (Hens) आणि वाहनाचे मोठे नुकसान झाले आहे. कोंबड्यांनी भरलेला टेम्पो नाशिकहून अहमदाबादकडे जात होता. टेम्पो (Tempo) घाटातील तीव्र वळण रस्त्यावर आला असता चालकाने वेग कमी करण्यासाठी ब्रेक दाबला. मात्र, ब्रेक निकामी झाल्याने चालकाचे सदर वाहनावरील नियंत्रण सुटून टेम्पो रस्त्यावर असलेल्या संरक्षक भिंतीवर जाऊन आदळला.
या अपघातात चालक हैदर अली मोहम्मद अली नीलगर (वय ३९) राहणार अहमदाबाद (गुजरात) हा किरकोळ जखमी झाला असून त्याला उपचारासाठी नवापूर (Navapur) जिल्हा रुग्णालयात दाखल करण्यात आले आहे. या अपघातात टेम्पो चक्काचूर झाला असून कोंबड्या आणि वाहनाचा (Vehicles) चेंदामेंदा झाल्याचे पाहावयास मिळत आहे.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.