Accident News : मुंबई-गोवा महामार्गावर एसटी आणि मिनीबसचा भीषण अपघात; ६ प्रवासी जखमी

सचिन कदम

ST-Minibus Accident New : आज (23 फेब्रुवारी) पहाटे तीन वाजण्याच्या सुमारास मुंबई-गोवा महामार्गावर माणगाव तालुक्यातील मुगवली गाव हद्दीत एसटी बस आणि मिनीबसचा भीषण अपघात झाला. या अपघातात ६ जण जखमी झाले असून जखमींना रुग्णालयात दाखल करण्यात आले आहे. जखमींवर सध्या उपचार सुरु आहेत.

दोन्ही गाड्यांची समोरा समोर धडक होऊन भीषण अपघात (Accident) झाला. या अपघातामध्ये दोन्ही गाड्यांच्या ड्रायव्हर केबीनचा चक्काचुर झाला असून दोन्ही गाड्यांचे मोठ्या प्रमाणात नुकसान झाले आहे .

सहा प्रवासी जखमी

या अपघातामध्ये एकूण सहा प्रवासी जखमी झाले असुन माणगाव उपजिल्हा रुग्णालयामध्ये प्रथोमोपचर केल्यानंतर तीन प्रवाशांना मुंबई येथे हलविण्यात आले आहे. एसटी बस देवगडहून नालासोपारा येथे जात होती तर मिनीबस मुंबईहून (Mumbai) महाडच्या दिशेने जात असताना हा अपघात झाला.