Shivsena : ठाकरे गटाचे आमदार राजन साळवी शिंदे गटात जाणार? साळवी म्हणाले...

शिंदे गटाच्या शिवसेनेकडून सरकारमध्ये नगर विकास खात्याचे राज्यमंत्रीपद देण्यात येणार असल्याची देखील चर्चा राजकीय वर्तुळात रंगत आहे.
MLA Rajan Salvi
MLA Rajan Salvi saam tv

रत्नागिरी : लांजा-राजापूरचे ठाकरे गटातील आमदार राजन साळवी (Rajan Salvi) हे लवकरच शिवसेनेच्या शिंदे गटात प्रवेश करणार असल्याची जोरदार चर्चा सुरू आहे. त्यांना शिंदे गटाच्या शिवसेनेकडून सरकारमध्ये नगर विकास खात्याचे राज्यमंत्रीपद देण्यात येणार असल्याची देखील चर्चा राजकीय वर्तुळात रंगत आहे.

मात्र या सर्व चर्चांवर स्वत: ठाकरे गटाचे आमदार राजन साळवी यांनी आपली भूमिका मांडली आहे. मला कॅबिनेट काय मुख्यमंत्री पद दिलं तरी शिंदे गटात जाणार नसल्याचं साळवी यांनी स्पष्ट केलं. (Latest Marathi News)

MLA Rajan Salvi
Ratnagiri News : राजापूर तालुक्यातील बारसु-सोलगाव रिफायनरीचा मुद्दा पुन्हा पेटणार

विकासकामांसाठी मंत्रिमहोदयांना भेटावं लागतं. रिफायनरी प्रकल्पाबाबत उद्योगमंत्र्यांनी बैठक बोलावली होती, त्या बैठकीला मी गेलो होतो. जनतेच्या पाच प्रमुख मागण्या आहे, त्या बैठकीत मांडल्या. त्या मागण्या पू्र्ण झाल्यास प्रकल्पाला पाठिंबा देण्याची आमची भूमिका आहे. मी शिंदे गटातील नेत्यांना भेटलो म्हणजे ती त्यांच्यात सामील होणार असं होत नाही, असं राजन साळवी यांनी स्पष्ट केलं.

MLA Rajan Salvi
देवेंद्र फडणवीसांचा यू-टर्न; कृषीपंप वीजबिलाबाबत सत्तेबाहेर आणि सत्तेत असताना वेगळ्या भूमिका, सुप्रिया सुळेंचं ट्वीट

मी मरेपर्यंत उद्धव ठाकरेंसोबत राहणार. उद्धवसाहेबांचा मी शिवसैनिक आहे. त्यामुळे शिंदे गटात जाण्याचा प्रश्नच नाही. मला कॅबिनेट मंत्रीपद काय मुख्यमंत्री पद दिलं तरी मी शिंदे गटात जाणार नाही. मी मंत्रिपदासाठी भूकेला नाही. माझी निष्ठा बाळासाहेबांच्या चरणाशी आहे, असं राजन साळवे यांनी म्हटलं.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com