Thane News : कोल्हापूर बंधाऱ्याच्या बांधकामासाठी मंजूर निधीच्या एक टक्का म्हणजे ५० हजारांची लाच स्वीकारणा-या ठाणे जिल्हा परिषदेचे जल संधारण अधिकारी राजेंद्र पाटील (Rajendra Patil) (वय ५७) यांना ठाणे लाचलुचपत प्रतिबंधकच्या (Thane ACB) पथकाने रंगेहाथ पकडले. एसीबीने शुक्रवारी पाटील यास अटक केली आहे. त्याच्याविरुद्ध ठाणेनगर पोलिस ठाण्यात गुन्हा दाखल करण्यात आला. (Breaking Marathi News)
तक्रारदाराच्या ग्रामपंचायतीसाठी कोल्हापूर पद्धतीचा बंधारा बांधण्यासाठी निधी मंजूर होऊन त्यास प्रशासकीय मंजूरी देण्यात आली आहे. त्यामुळे तक्रारदाराकडे जल संधारण अधिकारी पाटील यांनी या बंधाऱ्याचे बांधकाम सुरु करण्याबाबतची वर्क ऑर्डर (कार्यादेश) देण्यासाठी मंजूर निधीच्या एक टक्के अर्थात पन्नास हजार रुपयांच्या लाचेची मागणी केली होती.
२४ मार्च रोजी तक्रारदाराने ठाणे जिल्हा परिषदेच्या लघु पाटबंधारे विभागात पाटील यांची प्रत्यक्ष भेट घेतली. त्यावेळी पाटील यांनी या तक्रारदाराकडे ५० हजारांच्या लाचेची मागणी केल्याचे एसीबीच्या पडताळणीमध्ये उघड झाले. २४ मार्च रोजी दुपारी लघु पाटबंधारे विभागाच्या कार्यालयातच लावलेल्या सापळयात लाचेची ५० हजारांची रक्कम स्वीकारतांना पाटील यांना रंगेहाथ (Thane ZP official held by Maha ACB for bribery) पकडण्यात आले आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
