मित्राविरोधात बलात्काराचा गुन्हा; केदार दिघेंनी धमकावल्याचा पीडितेचा आरोप

ठाण्यातून मोठी बातमी समोर येत आहे. शिवसेनेचे ठाणे जिल्हाप्रमुख केदार दिघे यांच्यासह त्यांच्या मित्रावर गुन्हा दाखल झाला आहे.
Kedar dighe
Kedar dighesaam tv

सूरज सावंत

ठाणे : ठाण्यातून मोठी बातमी समोर येत आहे. शिवसेनेचे ठाणे जिल्हाप्रमुख केदार दिघे (Kedar dighe) यांच्यासह त्यांच्या मित्रावर गुन्हा दाखल झाला आहे. केदार दिघे यांच्या मित्रावर बलात्काराचा आरोप एका महिलेने केला आहे. या बलात्कार प्रकरणातील पीडित महिलेला धमकावल्याप्रकरणी केदार दिघे यांच्या विरोधात पोलीस (Police) स्थानकात तक्रार दाखल करण्यात आली आहे. (Kedar dighe news )

Kedar dighe
'शिवसैनिकांकडून असा प्रकार...'; उदय सामंत यांच्या वाहनावर झाल्यानंतर विनायक राऊतांची प्रतिक्रिया

ठाण्यातील दिवंगत आनंद दिघेंचे पुतणे केदार दिघे यांच्यासह त्यांच्या मित्रावर पोलिसात गुन्हा दाखल करण्यात आला आहे. सदर गुन्हा हा ना. म. जोशी मार्ग पोलीस ठाण्यात दाखल करण्यात आला आहे. एका महिलेचा केदार दिघे यांच्या मित्रावर बलात्काराचा आरोप आहे. या बलात्कार पीडित महिलेने केदार दिघे यांनी धमकावल्याची तक्रार पोलिसात जाऊन केली. त्यानंतर पीडित महिलेच्या जबानीवरून शिवसेना ठाणे जिल्हाप्रमुख केदार दिघे यांच्या विरोधात पोलिसांनी बलात्कार पीडित महिलेला धमकावल्याप्रकरणी गुन्हा दाखल केला आहे. तर पीडित महिलेच्या तक्रारीनुसार केदार दिघे यांच्या त्यांच्या मित्रावर देखील गुन्हा दाखल करण्यात आला आहे.

Kedar dighe
...आता 'फटके' यात्रा काढण्याची वेळ आली आहे; नितेश राणेंची आदित्य ठाकरेंवर नाव न घेता टीका

शिवसेनेने ठाण्यातील दिवंगत आनंद दिघेंचे पुतणे केदार दिघे यांची ठाणे जिल्हाप्रमुख पदावर नियुक्ती करण्यात आली आहे. शिवसेना आमदारांच्या बंडाळीनंतर ठाण्यात आक्रमक भूमिका घेणाऱ्या केदार दिघे यांच्यावर पोलिसांत तक्रार दाखल झाल्याने राजकीय वर्तुळात चर्चा सुरू झाली आहे. केदार दिघे यांच्यावर गुन्हा दाखल झाल्याने त्यांच्या अडचणी वाढण्याची शक्यता वर्तवण्यात येत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com