लग्नाच्या आदल्या दिवशी नवरदेवाचे अनैतिक संबंध नवरीला समजले, त्यानंतर....

नवरदेवाने नवरीच्या घरी जाऊन दंगा केला म्हणून होणाऱ्या सासुबाईंनीच जावयाला तुंरुगात दाखल केलं.
लग्नाच्या आदल्या दिवशी नवरदेवाचे अनैतिक संबंध नवरीला समजले, त्यानंतर....
Buldhana Latest Marathi News, Love affair news in MarathiSaam TV

बुलढाणा : लग्न ठरलं, साखरपुडा झाला पण ऐन लग्नाच्या आदल्या दिवशी नवरदेवाचे दुसऱ्या महिलेसोबत अनैतिक संबंध असल्याचं नवरीला पुराव्यानिशी कळालं. त्यामुळे नवरीने या प्रकरणाचा जाब नवरदेवाला फोनवरून विचारला. मात्र, चिडलेल्या नवरदेवाने नवरीच्या घरी जाऊन दंगा केला म्हणून होणाऱ्या सासुबाईंनीच जावयाला तुंरुगात दाखल केल्याची घटना समोर आली आहे. (Buldhana Latest Marathi News)

कोरोनामुळे (Corona) मागील दोन वर्ष कमी प्रमाणात सुरु असलेली लग्न सराई आता मोठ्या उत्साहात सुरु झाली आहे. अशातच काही जण फसवी लग्न देखील करत आहेत. मुलीकडच्यांना खोटी माहिती देत लग्न (Marriage) ठरलवलेली लग्न खरी माहिती समोर आल्याने ती मोडल्याची अनेक उदाहरण समोर येत असतात. अशातच आता एका नवरदेवाचे अनैतिक संबंधच होणाऱ्या नवरीला माहित झाल्याची घटना घडली आहे.

अमोल पारेकर असं या नवरदेवाच नावं आहे. अमोलचं एका मुलीसोबत लग्न ठरलं, साखरपुडा झाला पण ऐन लग्नाच्या आदल्या दिवशी नवरदेवाचे दुसऱ्या महिलेसोबत अनैतिक संबंध असल्याचं नवरीला पुराव्यानिशी माहीत पडलं आणि त्यामुळे नवरीने नवरदेवाला जाब विचारण्यासाठी फोन केला. मात्र नवरीने फोनच का केला याचा राग मनात ठेवत अमोल याने नवरीच्या घरी येऊन राडा केल्यामुळे नवरीच्या आईने दिलेल्या फसवणूकीच्या तक्रारीवरून मलकापूर पोलिसांनी (Police) गुन्हा दाखल करत हळद लावलेल्या नवरदेवाला पोलीस स्टेशन मध्ये बोलावून अटक केली आहे.

हे देखील पाहा -

अमोल पारेकर अस नवरदेवाच नाव असून तो मोताळा तालुक्यातील बोराखेडी येथील आहे. सुरत येथे भारतीय रेल्वेत मोटरमन म्हणून नोकरीला आहे. पोलिसांनी अमोल पारेकर सह 10 जणांवर मलकापूर पोलिसात फसवणुकीचे गुन्हे दाखल करीत सर्वाना न्यायालयासमोर उभं केलं असता नवरदेवासह इतरांना दोन दिवसांची पोलीस कोठडी देण्यात आलीये.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.