फडणवीसांचं प्रकरण; न्यायालयाचे निवडणूक निर्णय अधिकाऱ्यांना समन्स!

माजी मुख्यमंत्री देवेंद्र फडणवीसांच्या सत्र न्यायालयातील प्रलंबित प्रकरणाबाबत निवडणूक निर्णय अधिकाऱ्यांना सत्र न्यायालयाकडून समन्स बजावण्यात आलंय. त्यानुसार, येत्या ३० ऑक्टोबर रोजी त्यांना न्यायालयामध्ये साक्षीदार म्हणून हजर राहावं लागणार आहे.
देवेंद्र फडणवीस
देवेंद्र फडणवीसSaamTvNews

नागपूर : माजी मुख्यमंत्री देवेंद्र फडणवीसांच्या सत्र न्यायालयातील प्रलंबित प्रकरणाबाबत निवडणूक निर्णय अधिकाऱ्यांना सत्र न्यायालयाकडून समन्स बजावण्यात आलंय. त्यानुसार, येत्या ३० ऑक्टोबर रोजी त्यांना न्यायालयामध्ये साक्षीदार म्हणून हजर राहावं लागणार आहे. माजी मुख्यमंत्री देवेंद्र फडणवीस यांनी २०१४ साली झालेल्या विधानसभा निवडणुकीत अर्ज भरताना दाखल फौजदारी गुन्ह्यांची माहिती लपवून ठेवली, असा आरोप करीत ॲड. सतीश उके यांनी याचिका दाखल केली होती.

हे देखील पहा :

या प्रकरणी सत्र न्यायालयाने फौजदारी प्रक्रिया सुरू करण्याचा आदेश दिलाय. त्या आदेशाला फडणवीस यांनी मुंबई उच्च न्यायालयाच्या नागपूर खंडपीठात आव्हान दिलं होतं. त्यावेळी उच्च न्यायालयानं उके यांची तक्रार फेटाळून लावली होती. त्या निर्णयाला उके यांनी सर्वोच्च न्यायालयात आव्हान दिलं होतं.

देवेंद्र फडणवीस
Pune: नवले ब्रिजवर सहा वाहनांचा भीषण अपघात; 3 जणांचा मृत्यू! (पहा video)

त्यानंतर सर्वोच्च सत्र न्यायालयात प्रथम श्रेणी न्याय दंडाधिकाऱ्यांसमक्ष सुनावणी सुरू करण्याचे आदेश दिले होते. डिसेंबर २०१९ मध्ये पुन्हा प्रथम श्रेणी न्यायदंडाधिकाऱ्यांनी फौजदारी प्रक्रिया सुरू करून फडणवीस यांना समन्स बजावलाय. आता या प्रकरणी नागपूर जिल्हा न्यायालयात साक्षी आणि पुरावे नोंदविण्याची प्रक्रिया येत्या ३० ऑक्टोबरपासून सुरू होणार आहे. त्यानुसार, निवडणूक अधिकाऱ्यांना समन्स बजावण्यात आलाय.

Edited By : Krushnarav Sathe

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com