Dhule Accident : शिरपूर पुलावरील भीषण अपघाताचं कारण आलं समोर; नदीत पडलेला ट्रक अद्याप सापडेना

या भीषण अपघाताचं नेमकं कारण काय याबाबत मोठी माहिती समोर आली आहे.
Dhule accident
Dhule accident Saam TV

Dhule Accident Update : शिरपूर येथील सावर्दे पुलावर रात्रीच्या सुमारास ट्रक व क्रुझरचा भीषण अपघात झाला. या अपघातात ट्रक हा पुलाचा कथडा तोडून थेट नदीपात्रात कोसळला आहे. 12 तास उलटून गेले असले तरीही ट्रकचा अद्याप सापडलेला नाही. मात्र, आता या भीषण अपघाताचं नेमकं कारण काय याबाबत मोठी माहिती समोर आली आहे.

Dhule accident
Pune News: क्षुल्लक कारणावरून तरुणाने केला हवेत गोळीबार; पुण्यातील खळबळजनक घटना

या अपघातानंतर (Accident) संबंधित प्रशासनाचा दुर्लक्षितपणा उघडकीस आला आहे. या अपघातापासून हाकेच्या अंतरावर पुलाचे काम सुरू असून हे काम जवळपास 15 ते 20 दिवसांपासून रखडले असल्यानेच हा अपघात झाला असल्याचा अंदाज स्थानिकांनी व्यक्त केला आहे. टोल प्रशासनातर्फे पुलावर हा खड्डा करण्यात आलेला असून या खड्ड्याचे गेल्या कित्येक दिवसांपासून कामच पूर्ण झाले नसल्याची बाब उघडकीस आली आहे.

ज्या ठिकाणी रात्री अपघात झाला तेथून जवळपास 50 ते 60 मीटर अंतरावर हा खड्डा असून या खड्ड्यामुळे पुलावरून जाणाऱ्या वाहनांना मोठी कसरत करावी लागते. यामुळेच रात्रीच्या वेळी हा अपघात झाला असावा असा अंदाज व्यक्त करण्यात येत आहे.

Dhule accident
Sangli News : 'राज्यात कुस्तीचा 'सांगली पॅटर्न' सुरू करु', महाराष्ट्र केसरीतील वादानंतर चंद्रहार पाटलांचं वक्तव्य

महत्त्वाची कागदपत्र पोलिसांच्या हाती

 बुडालेल्या ट्रक संदर्भात महत्त्वपूर्ण कागदपत्र पोलिसांच्या हाती लागले आहेत. कागदपत्रांमधील माहितीनुसार, ट्रकचालकाचं नाव दीपक कुमार (वय 40) असून तो राजस्थानच्या कोटा येथील आहे. ट्रक चालकाचं ड्रायव्हिंग लायसन्स पोलिसांच्या हाती लागलं आहे.  

शिरपूर सावर्दे पुलावर सोमवारी रात्री क्रुझर आणि ट्रकमध्ये भीषण अपघात झाला होता. या अपघातात 20 ते 25 जखमी झाले आहेत. त्यापैकी किरकोळ जखमी असलेल्यांना प्राथमिक उपचार करून सोडण्यात आले असून अद्यापही चार जण जखमी असून त्यांच्यावर शासकीय रुग्णालयात उपचार सुरू आहेत.

अपघातानंतर पुलाचा कठडा तोडून ट्रक नदीपात्रात कोसळला. बुडालेला ट्रक अद्यापही नदीपात्रातच आहे.यामध्ये ट्रक चालकासह आणखी किती जण आहेत याचा अद्यापही अंदाज लागू शकलेला नाही.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com