Beed Accident News : बीडमधून एक मोठी बातमी समोर आली आहे. आष्टी तालुक्यातील नगर- जामखेड महामार्गावरील अंभोरा घाटात भीषण अपघात झाला आहे. चालकाचे नियंत्रण सुटल्याने कार थेट दीडशे फूट खोल दरीत कोसळली कोसळल्याची घटना घडली आहे.
या अपघातात (Accident) गाडीतील 3 प्रवासी गंभीर जखमी झाले असून त्यांच्यावर खाजगी रुग्णालयात (Hospital) उपचार सुरू आहेत. सुदैवाने या अपघातात कोणतीही जीवितहानी झाली नाही. मात्र गाडी दीडशे फूट खोल दरीत पडल्याने गाडीचे मोठ्या प्रमाणात नुकसान झाले आहे. घाटात टर्न न बसल्याने वळणावरुन कार थेट दीडशे फूट खोल दरीत कोसळली आहे. या वळणावर न दिसणारा कठडा आहे. हाच दगडी कठडा तोडून कार खाली कोसळली.
दरम्यान, या घाटात अपघातचे प्रमाण वाढले असून रात्रीच्या वेळी घाटाची माहिती देण्याचे फलक लावण्यात यावेत अशी मागणी आता केली जात आहे. या भीषण अपघातात गाडीतील 3 प्रवासी गंभीर जखमी झाले असून त्यांच्यावर खाजगी रुग्णालयात उपचार सुरू आहेत. या घटनेमुळे सर्वत्र हळहळ व्यक्त होत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
