बुलडाणा : आईच्या कुशीत साखरझोपेत असलेल्या चिमुकल्यास शौचास जायचे म्हणून उठवून नेत घरा जवळ असलेल्या नदीपात्रात निर्दयतेने गळा दाबून खून करून मृतदेह नदीत फेकून दिल्याची घटना आज सकाळी उघडकीस आली आहे. सिंदखेडराजा तालुक्यातील सवडद येथील अपंग युवक सिध्देश्वर सखाराम नन्हई 40 हा दररोज दाऊ पिऊन पत्नी व मुलांना त्रास द्यायचा ऐवढेच नाही तर गावातील लोकांना सुद्धा त्रास द्यायचा. दरम्यान एक महिन्या पासून तो साखरखेर्डा येथे भाड्याच्या जागेत राहायचा. मात्र चार दिवसांपासून तो पुन्हा सवडद मध्ये माळीपुरा येथे राहायला आला होता. मात्र त्याच्या वागणूकीत कोठेही बदल झाला नाही.
आज सकाळी सिध्देश्वर त्याची 5 वर्षीय मुलगी जान्हवी, 13 वर्षीय मुलगा अमर , पत्नी रत्नमाला गाढ झोपेत असताना सकाळी चारच्या सुमारास त्याने आईच्या कुशीत झोपलेल्या अमरला शौचास जायचे म्हणून सोबत घेऊन गेला. घराबाहेर पडल्यावर त्याचा गळा दाबला असता चिमुकल्या अमरने आर्त किंकाळी ठोकली दरम्यान आजूबाजूला कुणीही नसल्याने त्याने प्रतिकार करण्याचा प्रयत्न केला. मात्र क्रुर पित्याने त्याला कडेवर घेऊन त्याचा गळा आवळून कोराडी नदीच्या पात्रात बुडवून निर्दयीपणे खून केला.
त्यानंतर सिध्देश्वर हा मी माझ्या मुलाला मारल्याचे गावात जाहिरपणे सांगत असताना घरी अमर नसल्याने खरोखर अमरचा खून झाल्याचे स्पष्ट झाले. दरम्यान गावकऱ्यांनी सिध्देश्वर यास पोलीसांच्या हवाली करून मृतदेह नेमका कोठे टाकला याची माहिती घेऊन कोराडी नदीपात्रातील नाल्यातून मृतदेह बाहेर काढण्यात आला असून, आरोपी सिध्देश्वर नन्हई यास पोलिसांनी अटक केली आहे. चिमुकल्याचा मृतदेह उत्तर तपासणीसाठी अकोला येथे पाठविण्यात आला आहे.
Edited By: Pravin Dhamale
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
