इमारतीमध्ये पाणी सोडण्यासाठी गेलेल्या सुरक्षारक्षकावर काळाचा घाला; शॉक लागून जागीच मृत्यू

बिल्डरच्या निष्काळजीपणामुळे अर्जुनसिंगचा मृत्यू झाला असल्याचं नातेवाईकांनचं म्हणणं आहे.
Ulhasnagar News Updates
Ulhasnagar News UpdatesSaam TV

उल्हासनगर : उल्हासनगर कॅम्प क्रमांक चार येथील स्टेट बँकेच्या मागे एका इमारतीचे काम सुरू आहे. या इमारतीत सुरक्षारक पाणी सोडण्यासाठी इमारतीत गेले असता विजेच्या वायरला हात लागल्याने त्यांना विजेचा जबर धक्का (Electric Shock) बसला असून या घटनेत त्यांचा जागीच मृत्यू झाला आहे.

अर्जुन सिंग सरोज असं मृत सुरक्षारक्षकाचे नाव आहे. आज सकाळी ते इमारतीमध्ये पाणी सोडण्यासाठी गेले असता शॉक (Shock) लागल्याने त्यांचा मृत्यू झाला. सकाळी स्थानिक नागरिकांनी त्यांना इमारत पडल्याचे पाहून मयत व्यक्तीच्या नातेवाईकांना फोन करून घटनेची माहिती दिली.

पाहा व्हिडीओ -

दरम्यान, मृताचे नातेवाईक तत्काळ घटनास्थळी आले, यावेळी त्यांनी पाहिलं की अर्जुनसिंग यांच्या हातात विद्युत वायर आहे, नंतर या वायरला तपासले असता सदर वायरमध्ये विद्युत प्रवाह (Electric Current) सुरू असल्याचे दिसून आले.

त्यानंतर नातेवाइकांनी अर्जुन सिंग यांचा मृतदेह मध्यवर्ती रुग्णालयात शवविच्छेदनासाठी हलवला , याबाबत उल्हासनगरच्या विठ्ठलवाडी पोलीस ठाण्यात आकस्मिक मृत्यूची नोंद करण्यात आली आहे. मात्र, या मृत्यूस इमारतीचा बिल्डर कारणीभूत असून त्यांच्या निष्काळजीपणामुळे अर्जुनसिंग चा मृत्यू झाला असल्याचं नातेवाईकांनचं म्हणणं आहे.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com