Amravati violence : परिस्थिती नियंत्रणात, पण इंटरनेट सेवा 3 दिवस बंदच

अमरावती बंदला शनिवारी मोठ्या प्रमाणात हिंसक वळण लागल्याने शहरात संचारबंदी लागू करण्यात आली
Amravati violence : परिस्थिती नियंत्रणात, पण इंटरनेट सेवा 3 दिवस बंदच
Amravati violence : परिस्थिती नियंत्रणात, पण इंटरनेट सेवा 3 दिवस बंदचSaam Tv

अमरावती : अमरावती बंदला शनिवारी मोठ्या प्रमाणात हिंसक वळण amravati लागल्याने शहरात संचारबंदी लागू करण्यात आली आहे. तसेच कोणत्याही प्रकारची अफवा पसरू नये, यासाठी अमरावतीत ३ दिवस इंटरनेट सेवा बंदच ठेवण्यात आली आहे. सध्या अमरावती शहरामधील परिस्थिती नियंत्रणात असून शहरात शांतता पसरली आहे.

हे देखील पहा-

त्रिपुरा या ठिकाणी घडलेल्या घटनेच्या निषेधार्थ शुक्रवारी अमरावतीमध्ये आंदोलन करण्यात आले आहे. त्याच्या निषेधार्थ हिंदुत्ववादी संघटनांनी शनिवारी बंद पुकारला होता. यावेळी हिंसाचार मोठ्या प्रमाणात उफाळून आला आहे. यावेळी राजकमल नगर, नमुना गल्ली, अंबापेठ भागात दुकाने आणि वाहनांची जाळपोळ करण्यात आली आहे. काही पानटपऱ्या देखील फोडण्यात आले आहेत. तसेच ५ ते ६ दुकानांना आग लावण्यात आली आहे.

Amravati violence : परिस्थिती नियंत्रणात, पण इंटरनेट सेवा 3 दिवस बंदच
आर्यनच्या सुरक्षेसाठी किंग खानचा मोठा निर्णय, बॉडीगार्ड रवी तैनात

यामुळे जमावाला पांगविण्याकरिता पोलिसांनी बळाचा वापर केला होता. अमरावती बंदला हिंसक वळण लागल्यामुळे पोलिस आयुक्तांनी संचारबंदीचे आदेश काढले आहेत. तसेच हा हिंसाचार घडवून आणणाऱ्या लोकांना सोडणार नाही, असे पालकमंत्री यशोमती ठाकूर यांनी यावेळी सांगितले आहे. सध्या अमरावती शहरामध्ये शांतता पसरली असून, नागरिकांनी घराच्या बाहेर पडू नये, असे आवाहन पोलिसांनी यावेळी केले आहे. दरम्यान, आज भाजपकडून परत एकदा बंदची हाक देण्यात आली आहे.

Edited By- Digambar Jadhav

Related Stories

No stories found.
Latest and Breaking News in Marathi | Live Marathi News Updates | live tv streaming in Marathi | Saam TV
www.saamtv.com