भारत-पाक युद्धात सहभागी असलेल्या माजी सैनिकाचा मुलानेच केला जन्मदात्या बापाचा खून
भारत-पाक युद्धात सहभागी असलेल्या माजी सैनिकाचा मुलानेच केला जन्मदात्या बापाचा खूनSaam Tv

भारत-पाक युद्धात सहभागी असलेल्या माजी सैनिकाचा मुलानेच केला जन्मदात्या बापाचा खून

काळजाचा ठोका चुकवणारा प्रकार नांदेड जिल्ह्यातील अर्धापूर शहरात समोर आला

नांदेड : काही गोष्टीसमोर सगळी नाती फिकी पडत असतात. असाच एक काळजाचा ठोका चुकवणारा प्रकार नांदेड जिल्ह्यातील अर्धापूर शहरात समोर आला आहे. लहुजी नगर या ठिकाणी राहणारे माजी सैनिक नारायणराव साबळे यांना जन्मदात्या मुलाने मारहाण केली आहे. यामध्ये दगडाचा जबर मार लागल्यामुळे गंभीर जखमी झालेल्या पित्याचा मृत्यू झाल्याची घटना घडली आहे.

या प्रकरणी आरोपी मुलाला पोलिसांनी अटक केली आहे. नारायणराव साबळे यांनी १९६५ ते १९७१ या काळात झालेल्या भारत- पाकिस्तान युद्धात यांचा सहभाग होता. नांदेड जिल्ह्यातील अर्धापूर शहरात लहुजी नगर या ठिकाणी राहणारे सेवानिवृत्त माजी सैनिक नारायणराव लक्ष्मण साबळे राहत होते. ६ नोव्हेंबर दिवशी दुपारच्या सुमारास जुन्या भांडणाचा राग मनात धरुन मुलगा विजय साबळे (वय-४५ वर्ष) यांनी वडिलांना मारहाण केली होती.

हे देखील पहा-

विजयची ४० वर्षीय पत्नी आणि १८ वर्षांचा मुलगा शुभम विजय साबळे यांनी देखील या मारहाणीत मदत केली आहे. विजयने वडिलांना बुक्क्या आणि दगडाने मारहाण केली होती. यामध्ये दगडाचा जबर मार लागल्यामुळे वडील नारायण साबळे हे गंभीर जखमी झाले होते. त्यांना धाकटा मुलगा दिलीप साबळे आणि पत्नी गयाबाई यांनी अर्धापूर या ठिकाणी असलेल्या शासकीय रुग्णालयात नेले असता डॉक्टरांनी मयत झाल्याचे सांगितले आहे.

भारत-पाक युद्धात सहभागी असलेल्या माजी सैनिकाचा मुलानेच केला जन्मदात्या बापाचा खून
सापाच्या आमिषाने बोलावून केला घात; कोल्हापुरातील माजी सैनिकाचा बुलडाण्यात खून

सेवानिवृत्त सैनिक नारायणराव साबळे यांच्या खून प्रकरणी दिलीप नारायण साबळे यांच्या फिर्यादीवरुन आरोपी विजय नारायणराव साबळे, शुभम विजय साबळे, सौ. साबळे या तिघाजणांच्या विरूद्ध कलम ३०२, ३२३, ५०४, ५०६, ३४ भादंवि प्रमाणे अर्धापूर पोलीस ठाण्यात गुन्हा दाखल करण्यात आला आहे. या प्रकरणाचा पुढील तपास पोलीस निरीक्षक अशोक जाधव हे करत आहेत.

Edited By- Digambar Jadhav

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com