लातूर - तालुक्यातील मौजे मुरुड येथील सोनाराच्या दुकानांमध्ये काम करणाऱ्या कारागीराने सोन्याचे दागिने चोरून नेले होते. त्यास पोलिसांनी (Police) मुरुडच्या बसस्थानकामधून ताब्यात घेतले. चोरलेल्या दागिन्यासह 14 लाख 67 हजार रुपयांचा मुद्देमाल जप्त करण्यात आला आहे. मुरुड येथील सोन्या चांदीचे व्यापारी 23 जुलै रोजी दुपारी 1 वाजण्याच्या सुमारास त्यांच्या ज्वेलर्सच्या दुकानातील कारागिराला दुकानात बसवून जेवण करण्यासाठी घरी गेले होते.
हे देखील पाहा -
दरम्यानच्या वेळेत दुकानातील शोकेसमध्ये ठेवलेले सोन्याचे दागिने त्यांच्याच दुकानातील कारागीर सुग्रीव उर्फ बाळुकुमार बावकर याने चोरी करून पळ काढला होता. व्यापारीच्या फिर्यादवरून मुरुड पोलीस स्टेशन येथे गुन्हा दाखल केला करण्यात आला होता. त्यानुसार पोलिसांनी पुढील कारवाई करत आरोपीला अटक केली आहे.
पुणे येथून लातूरच्या दिशेने बस मधून पळून जात असताना मुरुड बस स्थानकात आरोपी सुग्रीव उर्फ बाळूकुमार बावकर हा मुरुड बस स्थानकात आलेल्या एका बस मधून उतरून तोंड लपवून एका ऑटो मध्ये बसताना दिसला. पथकाने त्याला चोरलेल्या दागिन्याच्या बॅगसह ताब्यात घेतले.
आरोपीला मुरुड पॉलसा ठाण्यात आणण्यात आले असून त्याला अटक करण्यात आली आहे. आरोपीने चोरलेल्या 15 लाख रुपयांच्या सोन्याच्या दागिन्यामधून पोलिसांनी 14 लाख 67 हजार 750 रुपयांचे 285 ग्रॅम सोन्याचे दागिने जप्त केले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.