सांगली : नागरिकांच्या घरांचे रक्षण करणा-या पाेलिसांच्या (police) फ्लॅटमध्ये चाेरीची (theft) घटना घडल्याने सांगली जिल्ह्यात खळबळ उडाली आहे. चाेरट्यांनी पाेलिसांच्या दोन फ्लॅटमध्ये चाेरी करुन सुमारे आठ तोळे सोने (gold) आणि तीन हजार रुपये रोख असा एकूण सुमारे साडे चार लाखांचा मुद्देमाल चाेरला आहे. (Sangli Crime News)
ही घटना बुधवारी दुपारी एक वाजण्याच्या सुमारास कुपवाड रस्त्यावरील कृष्णकुंज अपार्टमेंटमध्ये घडली. या दोन्ही चोरीची नाेंद संजयनगर पोलीस ठाण्यात झाली आहे. सांगली ग्रामीण पोलीस ठाण्यात कार्यरत असणारे संदीप मोरे आणि सांगली शहर पोलीस ठाण्यात कार्यरत असणाऱ्या पूजा खाडे यांचे फ्लॅटमध्ये चोरी झाली.
मोरे हे ड्युटीवर पोलीस ठाण्यात असताना अज्ञात चोरट्यांनी बंद घरावर पाळत ठेऊन मोरे यांचा पहिल्या मजल्यावर असणाऱ्या फ्लॅटचे कुलूप आणि कडीकोयंडा तोडून आत प्रवेश केला. घरातील कपाटात ठेवलेले सहा तोळे सोने आणि तीन हजार रोख रुपये चोरले. त्यानंतर त्याच इमारतीत तिसऱ्या मजल्यावर असणाऱ्या पूजा खाडे यांच्या घराचे लॉक तोडत घरातील दोन तोळे सोन्याचे दागिने लंपास केले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
