ज्वेलर्सला फुटला घाम...,बिर्लांचा फाेन जाताच पाेलिसांच्या गाड्या सुटल्या सुसाट अन्...

चाेरटे सुसाट साक्रीच्या दिशेने निघाले हाेते.
nandurbar , crime news , police
nandurbar , crime news , policesaam tv

नंदुरबार : नंदुरबार भालेर रस्त्यावर कोपर्ली येथुन घराकडे परतणाऱ्या व्यापाऱ्याच्या गाडीच्या पुढे गाडी घालुन डोळ्यात मिरचीची पुड फेकत बंदुकीचा धाक दाखवत त्यास लुटल्याची घटना शुक्रवारी घडली. दरम्यान या घटनेची माहिती समजताच पोलीसांच्या (police) गाडीने संबंधित चाेरट्यांचा पाठलाग केला. त्यामुळे घाबरलेल्या चोरट्यांनी शेतात गाडीसह मुदेमाल टाकुन तेथून पळ काढला.

या घटनेबाबत मिळालेल्या प्राथमिक माहितीनुसार नंदुरबार येथील रहिवाशी रूपेश सुमनलाल सोनार यांचे नंदुरबार तालुक्यातील कोपर्ली येथे दर्शन ज्वेलर्स नावाचे सोन्या चांदीचे दुकान आहे. रोज ते ये जा करतात शुक्रवारी सायंकाळीच्या सुमारास दुकान बंद करून ते नंदुरबार येथे मित्रासमवेत घराकडे परतत हाेते.

nandurbar , crime news , police
Bhusawal Wardha Passenger : भुसावळ - वर्धा पॅसेंजर हाेणार सुरु; जाणून घ्या वेळापत्रक

त्याचवेळीस नंदुरबार भालेर दरम्यान असलेल्या वडवद बारीजवळ एक कार मागून आली. त्यांनी व्यापा-याच्या गाडीच्या पुढे त्यांची कार उभी केली. त्यातुन चार जण उतरून रूपेश सुमनलाल सोनार यांना कार बाहेर येण्यास सांगितलं. तसेच बंदुकीचा धाक दाखवत डोळ्यात मिरची पुड फेकली.

त्यानंतर त्यांच्या जवळ असलेला सोन्या, चांदीचा माल लंपास केला. रूपेश सुमनलाल सोनार यांच्या गाडीच्या चावीसह मोबाईल ही लंपास केला. दरम्यान रूपेश सुमनलाल सोनार यांनी कोपर्ली येथील नवीन बिर्ला यांना फोनवरून घटनेची हकीकत कळवली.

त्यानंतर नवीन बिर्ला यांनी याबाबत पोलीसांना घटनेची माहिती दिली. दरम्यान संबंधित चाेरटे सुसाट साक्रीच्या दिशेने निघाले हाेते. पोलीसांनी वरीष्ठ अधिकाऱ्यांना घटनेची माहिती कळवली. त्यानंतर पाेलीसांची चक्र फिरली. चोरट्यांना आपल्या मागावर पोलीस येत असल्याची कुणकुण लागताच त्यांनी छडवेल ते निजामपुर दरम्यान असलेल्या आखाडे येथे गाडी व मुद्देमाल टाकुन पळ काढल्याची प्राथमिक माहिती उपलब्ध झाली. याबाबत नंदुरबार तालुका पोलीस ठाण्यात उशीरा पर्यंत नोंद करण्यात येत होती.

Edited By : Siddharth Latkar

nandurbar , crime news , police
Navratri : मनसेची ५० खाेके बक्षीस याेजना; रास दांडियात जिंकल्यास सुरत, गुवाहाटी, गोवा टूर

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com