Accident News : भीषण अपघातात तीन ठार, २० जखमी; स्थानिकांची मदतीसाठी धाव

Nanded Accident News : नांदेड येथे भाजीपाला घेऊन आठवडा बाजारासाठी जाणारा टेम्पोचा झालेल्या अपघातात तीन जण ठार तर 20 जण जखमी (injured) झाले आहेत. हा अपघात मुदखेड - हिमायतनगर रस्त्यावरील राजावाडी गावाजवळ सकाळी दहाच्या सुमारास झाला. (Nanded Latest Marathi News)

या अपघातात महम्मद हफीज महम्मद हुसेन, महम्मद रफीक महम्मद अमिनसाब, महम्मद चाँद महम्मद मिरासाब हे तिघेही ठार झाले आहेत अशी माहिती घटनास्थळावरुन तसेच पाेलिसांनी दिली. या अपघातात एकूण 20 जण जखमी झाले आहेत. या जखमींना रुग्णालयात नेण्यात आलं.

या अपघाताबाबत मिळालेली माहिती अशी : आज हिमायतनगरचा आठवडी बाजार असल्याने भाजीपाला विक्रेते हे मुदखेड वरून टेम्पो घेऊन निघाले हाेते. या वाहनात कांदा, लसूण, अद्रक इतर भाजीपाला घेऊन ते हिमायतनगर येथे जात हाेते.

रस्त्यात राजावाडी गावाजवळ असताना मोठा खड्डा लागल्याने टेम्पोचा अपघात झाला. या अपघातात तिघे जण जागीच ठार झाले. या अपघातामधील 20 जखमींना स्थानिक नागरिकांनी मुदखेडच्या शासकीय रुग्णालयात उपचारासाठी दाखल केले.

Edited By : Siddharth Latkar