धक्कादायक! अकोल्यात दोन दुचाकीच्या धडकेत तिघांचा मृत्यू

अकोला: अकोल्यातील बाळापूर- पातूर रोडवर वाडेगावजवळ दोन दुचाकींच्या धडकेत (Accident) तीन जण ठार झाल्याची धक्कादायक घटना समोर आली आहे. ही घटना रविवारी रात्री घडली आहे. घटनास्थळी मदत मोहिम राबवण्यात आली, पण गंभीर जखमी झाल्यामुळे तिघांचा मृत्यू (Death) झाला.

पोलीस (Police) घटनास्थळी उपस्थित होऊन. या घटनेची नोंद करण्यात आली आहे. अकोल्यातील बाळापूर-पातूर रोडवर वाडेगावनजीक दोन दुचाकी एकमेकांवर आदळल्याने तीन जण जागीच ठार झाल्याची माहिती मिळाली. दोन दुचाकींची समोरा समोर धडक झाल्याने दुचाकीवरील दोघांचा जागीच मृत्यू झाला. तर एकाचा रुग्णालयात (Hospital) उपचारादरम्यान मृत्यू झाला.

सदर घटना रात्री घडली. दोघांनाही बाळापूर येथे शवविच्छेदनसाठी दाखल करण्यात आले. हा अपघात एवढा भीषण होता की, दोघे जागीच ठार झाले. याप्रकरणी रात्री उशिरापर्यंत बाळापूर पोलीस (Police) ठाण्यात गुन्ह्याची नोंद करण्याची प्रक्रिया सुरू होती.