- अमर घटारे
Amravati News : अमरावती जिल्ह्यातील दर्यापूर तालुक्यातील उंबरी एका वीट भट्टीनजीक अर्पित राम मावसकर (वय तीन) याचा विजेचा शॉक लागून मृत्यू झाला. या घटनेमुळे मावसकर कुटुंबावर डाेंगर काेसळला. या घटनेनंतर महावितरणने घटनास्थळाचा पंचनामा करुन चुकीच्या पद्धतीने विद्युत यंत्रणा कार्यान्वित केली असल्यास संबंधितांवर गुन्हा दाखल करु अशी माहिती महावितरण (mahavitran) अधिका-यांनी दिली आहे.
या घटनेबाबत चेतन मोहोकर (उपकार्यकारी अधिकारी, वीज वितरण कंपनी, दर्यापूर) म्हणाले शुभम गजानन बचे यांच्या शेतामध्ये वीटभट्टी आहे. येथे मजूरांना राहण्यासाठी झाेपडीवजा खाेल्या आहेत. त्या ठिकाणी विद्युत पूरवठा करण्यासाठी सुमारे दाेनश ते अडीचशे मीटरवरुन विद्युत वाहिनीच्या तारावरून वीज घेतली गेली असावी. (Maharashtra News)
हा विद्युत पूरवठा अनधिकृत आहे. या ठिकाणी याेग्य ती काळजी घेतली गेलेली नाही. त्यामुळे लहान मुलाचा शाॅक लागून मृत्यू झाला असावा. या घटनेचा (incident) पंचनामा करुन दाेषींवर कारवाई करण्यात येईल. तसेच पाेलिस (police) ठाण्यात वीज चाेरीचा गुन्हा दाखल करण्यात येईल असे चेेतन माेहाेकर यांनी नमूद केले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
