'कृष्णे'त दोन मगरींचा मुक्त वावर; पोहणाऱ्यांची उडाली भंबेरी

सांगली : सांगली येथील कृष्णा नदी पात्रात मागरीचा वावर आहे असे आपण सातत्याने पाहत आलाे आहाेत. आज (साेमवार) पुन्हा नदीत पोहण्यासाठी गेलेल्या काही युवकांना मगर दिसली आणि त्यांची घाबरुगुंडी उडाली. two-crocodile-found-in-krishna-river-sangli-marathi-news-sml80

कृष्णा नदीत आज काही युवक नेहमीप्रमाणे पाेहण्यास गेले हाेते. पाेहत असताना त्यांना काही अंतरावर मगर दिसली. त्यामुळे त्यांची भितीने गाळण उडाली. हे युवक काठानजीक पाेहत असल्याने त्यांनी तातडीने नदी बाहेर पळ काढला.

नदीच्या बाहेर येऊन पाहतात तर काय चक्क दोन मगरी कृष्णेत मुक्तपणे संचार करीत हाेत हाेत्या. घाबरलेल्या युवकांनी नदीमध्ये मुक्त विहार करणाऱ्या या दोन्ही मागरींना आपल्या माेबाईलमध्ये कैद केले.

त्यानंतर तेथे उपस्थित असलेल्या काही तरुणांनी देखील या मगरींचे व्हिडीओ काढले. तब्बल दहा ते १२ फुटांच्या या मगरी पाण्यात विहार करीत हाेत्या. दरम्यान कृष्णा नदी पात्रात सध्या काेणीही पाेहण्यास जाऊ नये असे आवाहन युवकच करु लागले आहेत.

edited by : siddharth latkar