टपाल कामगारांचा केंद्र सरकारविरोधात दोन दिवसांचा देशव्यापी संप

या संपामध्ये टपाल कामगारांच्या सर्व मान्यता प्राप्त संघटनांनसह इतर खाजगी व सरकारी सर्व संघटनांनी सहभाग घेतला आहे.
टपाल कामगारांचा केंद्र सरकारविरोधात दोन दिवसांचा देशव्यापी संप
टपाल कामगारांचा केंद्र सरकारविरोधात दोन दिवसांचा देशव्यापी संपSaamTVNews

पुणे : टपाल कामगार संघटनांनी दिनांक 28 व 29 मार्च रोजी आपल्या विविध मागण्यांसाठी केंद्र सरकारच्या विरोधात देशव्यापी संप पुकारला आहे. या संपामध्ये टपाल (Indian Post) कामगारांच्या सर्व मान्यता प्राप्त संघटनांनसह इतर खाजगी व सरकारी सर्व संघटनांनी सहभाग घेतला आहे. (Two-day nationwide strike of postal workers against central government)

हे देखील पहा :

टपाल कामगारांच्या मागण्या :

  • नवीन पेन्शन योजना रद्द करून जुनी पेन्शन योजना सुरू करा

  • खाजगीकरणाच्या हालचाली थांबवा व डाक मित्र योजना मागे घ्या

  • संघटनेच्या प्रतिनिधींना दोन टर्म पदावर राहण्यासाठी निर्बंध घालण्याचे आदेश मागे घ्या

  • पार्सल वितरणासाठी सुरू केलेली नोडल डिलिव्हरी बंद करा

  • कर्मचाऱ्यांची पिळवणूक करण्याचे थांबवा

  • कोव्हीड च्या साथीमुळे मरण पावलेल्या कर्मचाऱ्यांच्या कुटुंबाला दहा लाखाची मदत देऊन त्यांच्या घरातील एका व्यक्तीला कामावर त्वरित घेण्यात यावे

  • ग्रामीण डाक सेवक कर्मचाऱ्यांसाठी कमलेश चंद्रा कमिटीच्या शिफारशी त्वरित मान्य करा

  • फिनॅकल सर्व्हरची क्षमता वाढवा

  • थकीत अठरा महिन्यांचा महागाई भत्ता कर्मचाऱ्यांना त्वरित देण्यात यावा यासह विविध मागण्यांसाठी केंद्रीय कर्मचाऱ्यांनी संपाची हाक दिली आहे.

टपाल कामगारांचा केंद्र सरकारविरोधात दोन दिवसांचा देशव्यापी संप
कोरोनात मविआ सरकारने लोकांना वाचवण्याचे काम केले; काहींनी नुसते फोटो लावले - चव्हाण

या संपाबाबत के एस पारखी (प्रादेशिक सचिव नॅशनल असोशियन ऑफ पोस्टल एम्प्लाइज), राजेंद्र करपे (महाराष्ट्र सर्कल सचिव नॅशनल युनियन ऑफ ग्रामीण डाक सेवक), देवदास देवकर (प्रादेशिक सचिव नॅशनल युनियन ऑफ पोस्टल एम्प्लॉईज पोस्टमन व एम टी एस), अमृता नेगीनहल सप्रे (नॅशनल युनियन ऑफ ऍडमिनिस्ट्रेशन युनियन), एस बी कारले (नॅशनल युनियन ऑफ मेल मोटर सर्विस) यांनी वरील माहिती दिली व सर्व टपाल कर्मचाऱ्यांनी दिनांक 28 व 29 मार्च रोजी होणाऱ्या संपात सहभागी होऊन संप यशस्वी करावा असे आवाहन केले आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com