बीड जिल्ह्यात महिलांचे मृतदेह विहिरीत आढळण्याच्या दोन समान घटना !

बीड : बीड जिल्ह्यात दोन वेगवेगळ्या ठिकाणी महिलांचा विहिरीत मृतदेह आढळून आला आहे. आष्टी शहरातील एका विहिरीमध्ये पडून महिलेचा मृत्यू झाला तर धारुर तालुक्यातील तेलगाव साखर कारखाना परिसरातील विहिरीत एका 24 वर्षीय विवाहितेचा मृतदेह आढळून आला आहे. या दोन्ही घटना आज एकाच दिवशी समोर झाल्या आहेत.

हे देखील पहा -

अनिता संदिप पाठक वय 45, रा. आष्टी, या महिलेचा आज शहरातील एका विहरीमध्ये मृतदेह आढळून आला आहे. तर दुसऱ्या घटनेत धारुर तालुक्यातील तेलगाव साखर कारखाना परिसरातील विहिरीत, शिवकन्या ज्ञानेश्वर आडे (वय 24) या महिलेचा मृतदेह आढळून आला आहे. तर ही आत्महत्या नसून सासरच्या लोकांनी हत्या केल्याचा आरोप, मृत महिलेच्या माहेरच्या नातेवाईकांनी केला आहे.

तर याप्रकरणी आष्टी पोलिसात मृत्यूची आकस्मात नोंद झाली आहे. तर दुसऱ्या घटनेत शवविच्छेदन अहवालावरुन ही आत्महत्या की हत्या ? हे सत्य बाहेर येणार आहे. दरम्यान, पोलिसांनी पती ज्ञानेश्वर आडे यास ताब्यात घेतले असून गावात तणावपूर्ण वातावरण निर्माण झाले आहे.

Edited By : Krushnarav Sathe