Nashik Accident News : सिन्नर घोटी हायवेवर दोन शाळकरी मुलांचा जागीच मृत्यू झाला आहे. आगासखिंड येथील माध्यमिक शाळेत दहावीत शिकणारे विद्यार्थी परीक्षेसाठी पांढुर्ली येथील परीक्षा केंद्राकडे जात असताना झालेल्या अपघातात त्यांचा दुर्दैवी मृत्यू झाला. ही घटना आज सकाळी दहाच्या सुमारास घडली आहे.
शुभम रामदास बरकले वय- १४ आणि दर्शन शांताराम आरोटे वय - १४ अशी दोघांची नावं आहेत. हे दोघे जण दुचाकीवरून परीक्षा देण्यासाठी जात असताना भरधाव वेगाने येणाऱ्या गॅस टँकरने धडक दिल्यामुळे हा अपघात झाला. या भीषण अपघातात (Acciddent) दोघांचा ही जागीच मृत्यू झाला. या घटनेमुळे परिसरातील ग्रामस्थांमध्ये शोककळा पसरलीय.
दहावीची बोर्डाची लेखी परीक्षा आजपासून सुरू
दहावीची बोर्डाची लेखी परीक्षा (Exam) आजपासून सुरू झाली आहे. या परीक्षेची सुरुवात प्राथमिक भाषेच्या पेपरने होणार आहे. २ मार्च ते २५ मार्च या कालावधीत ही परीक्षा होणार आहे. तर विद्यार्थ्यांना पेपर लिहिताना शेवटचे १० मिनिटं वाढवून देणार असल्याचंही बोर्डाने स्पष्ट केलं आहे.
या परीक्षा ९ विभागीय मंडळामार्फत घेण्यात येणार आहेत. या परिक्षेसाठी १५ लाख ७७ हजार २५६ विद्यार्थी देणार परीक्षा. यामध्ये ८ लाख ४४ हजार ११६ विद्यार्थी तर ७ लाख ३३ हजार ०६७ विद्यार्थ्यांनी परीक्षा देणार आहेत. यावर्षी १०० टक्के अभ्यासक्रमावर परीक्षा होणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.