सातारा : पाटण (Patan) तालुक्यातील नावरस्ता ढेबेवाडी मार्गावर एक भीषण अपघात झाला. दुचाकीवर असलेल्या काका-पुतण्याला समोरून येणाऱ्या दुचाकीने जबर धडक दिली. या धडकेत समोरील दुचाकीवरील एकजण जागीच ठार तर काका पुण्यात गंभीर जखमी झाले. त्यांना तातडीने रुग्णालयात दाखल केले असता उपचारादरम्यान दोघांचीही प्राणज्योत मावळली. (Satara Patan Bikes Accident)
भारत पाटील आणि बबन पडवळ असं काका-पुतण्याचं तर, नितीन बबन तिकुवडे असं मृत्युमुखी पडलेल्या दुचाकीस्वाराचे नाव आहे. या अपघातात अन्य दोन जण जखमी झाले. मिळालेल्या माहितीनुसार, घटनास्थळावरून मिळालेल्या माहितीनुसार, शिंदेवाडी येथील नितीन तिकुडवे व अनिकेत पाटील हे दोघेजण रविवारी रात्री दुचाकीवरून नवारस्ताहून मरळीच्या दिशेने दुचाकीवरून निघाले होते.
त्याचवेळी भरत पाटील, बबन पडवळ व संकेत शिंदे हे तिघेजण मरळीहून नवारस्त्याच्या दिशेने येत होते. नाडे-नवारस्ता गावच्या हद्दीत सांगवड पुलाजवळ दोन्ही दुचाकी समोरासमोर आल्या. त्यावेळी नितीन तिकुडवे याचा दुचाकीवरील ताबा सुटल्यामुळे समोरून येणाऱ्या दुचाकीला त्याच्या दुचाकीची जोराची धडक बसली.
ही धडक एवढी भीषण होती की दोन दुचाकीवरील पाच जण रस्त्यावर फेकले गेले. अपघातात सर्वांना गंभीर दुखापत झाली. परिसरातील ग्रामस्थांनी जखमींना कऱ्हाडला रुग्णालयात हलविले. मात्र, उपचारापूर्वीच तिघांचा मृत्यू झाला, तर गंभीर जखमी असलेल्या दोघांवर अद्यापही उपचार सुरू आहेत. हवालदार कांबळे यांनी याबाबतची फिर्याद पाटण पोलीस ठाण्यात दिली असून, अपघातप्रकरणी मृत नितीन बबन तिकुडवे याच्यावर गुन्हा नोंद करण्यात आला आहे.
Edited By - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
