भरधाव वाळूच्या टिप्परने दुचाकी व रिक्षाला चिरडले; एक ठार

या अपघातात एक जण जागीच ठार झाल्याने परिसरात हळहळ व्यक्त केल्या जात आहे.
भरधाव वाळूच्या टिप्परने दुचाकी व रिक्षाला चिरडले; एक ठार
accidentsaam tv

जालना - भरधाव जाणाऱ्या वाळूच्या टिप्परने दुचाकी आणि रिक्षाला चिरडल्याची घटना रात्री ११ च्या सुमारास जाफ्राबाद- टेंभुर्णी महामार्गावर घडली आहे. या भीषण अपघातात (Accident) एक जण जागीच ठार तर पाच जण गंभीर जखमी झाल्याने त्यांना उपचारासाठी रुग्णालयात (Hospital) दाखल करण्यात आले आहे.

हे देखील पाहा -

जाफ्राबाद शहरातील नदीपत्रातून अवैध वाळू वाहतुन करणाऱ्या भरधाव टिप्परने रणवीर ढाबा जवळ रोडने जाणाऱ्या दुचाकीला चिरडून भरधाव टिप्पर पळवत रिक्षाला जोरदार धडक दिली. या अपघातात रिक्षात असलेल्या एका व्यक्तीचा जागीच मृत्यु झाला असून दुचाकीवरील दोघे व रिक्षातील तीन जण गंभीर जखमी झाल्याने त्यांना नागरिकांनी उपचारासाठी टेंभुर्णी येथील प्राथमिक आरोग्य केंद्रात दाखल केले. यापैकी दोघांची प्रकृती गंभीर असल्याने त्यांना जालना येथील दीपक रुग्णालयात दाखल करण्यात आले.

accident
उन्हाळ्यात मुलांना हायड्रेट ठेवताय तर; या गोष्टींची काळजी घ्या

दरम्यान, या भीषण अपघाताची माहिती मिळताच परिसरातील संतप्त नागरिकांनी पोलीस ठाण्यात जाऊन अवैध टिप्पर चालकाविरुद्ध तात्काळ कारवाई करून चालकाला अटक करण्याची मागणी केली आहे. नागरिकांनी परिसरात सुरू असलेल्या अवैध वाळू उपसा विषयी पोलिसांना जाब विचारत पोलीस ठाण्यात एकच गर्दी केली. या अपघातात एक जण जागीच ठार झाल्याने परिसरात हळहळ व्यक्त केल्या जात आहे.

Edited By - Shivani Tichkule

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.