Shivsena : आमदार प्रकाश सुर्वे आणि शिवसेना प्रवक्त्या शीतल म्हात्रे यांचा आक्षेपार्ह व्हिडिओ व्हायरल करणाऱ्या दोन जणांना दहिसर पोलिसांनी ताब्यात घेतले आहे. अशोक मिश्रा आणि मानस कुवर असं अटक करण्यात आलेल्या दोघांची नावे आहेत. सदर व्हिडिओ सोशल मीडियावर आल्यानंतर या दोन्ही तरुणांनी तो व्हिडिओ स्वत: इतरांना शेअर करत व्हायरल केला. असं पोलीस तपासात समोर आलं आहे. (Maharashtra Politics)
काय आहे प्रकरण?
शिवसेनेच्या प्रवक्त्या शीतल म्हात्रे आणि आमदार प्रकाश सुर्वे या दोघांचा एक आक्षेपार्ह व्हिडिओ सोशल मीडियावर अश्लील मजकूर लिहून व्हायरल करण्यात आला. हा व्हिडिओ शिवसेना उद्धव बाळासाहेब ठाकरे गटाच्या समर्थक कार्यकर्त्यांकडून व्हायरल करण्यात आला असं शीतल म्हात्रे यांनी म्हटलं आहे. यामुळे आमदार प्रकाश सुर्वे यांचे समर्थक आक्रमक झालेत. शितल म्हात्रे यांनी देखील यावर आक्रमक प्रतिक्रिया दिली आहे.
काल (शनिवारी) बोरिवली दहिसर भागात विविध विकास कामांचे भूमिपूजन आणि उद्घाटनासाठी मुख्यमंत्री एकनाथ शिंदे आले होते. यावेळी एकनाथ शिंदे यांची खुल्या जीपमधून मिरवणूक काढण्यात आली. यादरम्यान खुल्या जीपमधून जात असतानाचा आमदार प्रकाश सुर्वे आणि शितल म्हात्रे यांचा एक व्हिडिओ विरोधकांकडून सोशल माध्यमात अश्लील मजकूर लिहून व्हायरल करण्यात आला. हा व्हिडिओ व्हायरल करणाऱ्या दोघांना पोलिसांनी ताब्यात घेतलं आहे.
काय म्हणाल्या शीतल म्हात्रे ?
'राजकारणामधील महिलेसंदर्भात बोलण्यासारखे काही नसले तर तिचे चारित्र्यहनन करणे हेच उद्ध्वस्त गटाचे संस्कार आहेत?? मातोश्री नावाच्या fb पेजवरुन एका स्त्री संदर्भात असा morphed video upload करताना बाळासाहेबांचे संस्कार नाही का आठवले?', अशी टीका शितल म्हात्रे यांनी केली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
